ઋગ્વેદ · અધ્યાય 5.003

ત્વમ્ અગ્ને વરુણો જાયસે યત્ ત્વમ્ મિત્રો ભવસિ યત્ સમિદ્ધઃ ।
ત્વે વિશ્વે સહસસ્ પુત્ર દેવાસ્ ત્વમ્ ઇન્દ્રો દાશુષે મર્ત્યાય ॥

ત્વમ્ અર્યમા ભવસિ યત્ કનીનાં નામ સ્વધાવન્ ગુહ્યમ્ બિભર્ષિ ।
અઞ્જન્તિ મિત્રં સુધિતં ન ગોભિર્ યદ્ દમ્પતી સમનસા કૃણોષિ ॥

તવ શ્રિયે મરુતો મર્જયન્ત રુદ્ર યત્ તે જનિમ ચારુ ચિત્રમ્ ।
પદં યદ્ વિષ્ણોર્ ઉપમં નિધાયિ તેન પાસિ ગુહ્યં નામ ગોનામ્ ॥

તવ શ્રિયા સુદૃશો દેવ દેવાઃ પુરૂ દધાના અમૃતં સપન્ત ।
હોતારમ્ અગ્નિમ્ મનુષો નિ ષેદુર્ દશસ્યન્ત ઉશિજઃ શંસમ્ આયોઃ ॥

ન ત્વદ્ ધોતા પૂર્વો અગ્ને યજીયાન્ ન કાવ્યૈઃ પરો અસ્તિ સ્વધાવઃ ।
વિશશ્ ચ યસ્યા અતિથિર્ ભવાસિ સ યજ્ઞેન વનવદ્ દેવ મર્તાન્ ॥

વયમ્ અગ્ને વનુયામ ત્વોતા વસૂયવો હવિષા બુધ્યમાનાઃ ।
વયં સમર્યે વિદથેષ્વ્ અહ્નાં વયં રાયા સહસસ્ પુત્ર મર્તાન્ ॥

યો ન આગો અભ્ય્ એનો ભરાત્ય્ અધીદ્ અઘમ્ અઘશંસે દધાત ।
જહી ચિકિત્વો અભિશસ્તિમ્ એતામ્ અગ્ને યો નો મર્ચયતિ દ્વયેન ॥

ત્વામ્ અસ્યા વ્યુષિ દેવ પૂર્વે દૂતં કૃણ્વાના અયજન્ત હવ્યૈઃ ।
સંસ્થે યદ્ અગ્ન ઈયસે રયીણાં દેવો મર્તૈર્ વસુભિર્ ઇધ્યમાનઃ ॥

અવ સ્પૃધિ પિતરં યોધિ વિદ્વાન્ પુત્રો યસ્ તે સહસઃ સૂન ઊહે ।
કદા ચિકિત્વો અભિ ચક્ષસે નો ઽગ્ને કદાઁ ઋતચિદ્ યાતયાસે ॥

ભૂરિ નામ વન્દમાનો દધાતિ પિતા વસો યદિ તજ્ જોષયાસે ।
કુવિદ્ દેવસ્ય સહસા ચકાનઃ સુમ્નમ્ અગ્નિર્ વનતે વાવૃધાનઃ ॥

ત્વમ્ અઙ્ગ જરિતારં યવિષ્ઠ વિશ્વાન્ય્ અગ્ને દુરિતાતિ પર્ષિ ।
સ્તેના અદૃશ્રન્ રિપવો જનાસો ઽજ્ઞાતકેતા વૃજિના અભૂવન્ ॥

ઇમે યામાસસ્ ત્વદ્રિગ્ અભૂવન્ વસવે વા તદ્ ઇદ્ આગો અવાચિ ।
નાહાયમ્ અગ્નિર્ અભિશસ્તયે નો ન રીષતે વાવૃધાનઃ પરા દાત્ ॥