ઋગ્વેદ · અધ્યાય 4.052

પ્રતિ ષ્યા સૂનરી જની વ્યુચ્છન્તી પરિ સ્વસુઃ ।
દિવો અદર્શિ દુહિતા ॥

અશ્વેવ ચિત્રારુષી માતા ગવામ્ ઋતાવરી ।
સખાભૂદ્ અશ્વિનોર્ ઉષાઃ ॥

ઉત સખાસ્ય્ અશ્વિનોર્ ઉત માતા ગવામ્ અસિ ।
ઉતોષો વસ્વ ઈશિષે ॥

યાવયદ્દ્વેષસં ત્વા ચિકિત્વિત્ સૂનૃતાવરિ ।
પ્રતિ સ્તોમૈર્ અભુત્સ્મહિ ॥

પ્રતિ ભદ્રા અદૃક્ષત ગવાં સર્ગા ન રશ્મયઃ ।
ઓષા અપ્રા ઉરુ જ્રયઃ ॥

આપપ્રુષી વિભાવરિ વ્ય્ આવર્ જ્યોતિષા તમઃ ।
ઉષો અનુ સ્વધામ્ અવ ॥

આ દ્યાં તનોષિ રશ્મિભિર્ આન્તરિક્ષમ્ ઉરુ પ્રિયમ્ ।
ઉષઃ શુક્રેણ શોચિષા ॥