ઋગ્વેદ · અધ્યાય 4.043

ક ઉ શ્રવત્ કતમો યજ્ઞિયાનાં વન્દારુ દેવઃ કતમો જુષાતે ।
કસ્યેમાં દેવીમ્ અમૃતેષુ પ્રેષ્ઠાં હૃદિ શ્રેષામ સુષ્ટુતિં સુહવ્યામ્ ॥

કો મૃળાતિ કતમ આગમિષ્ઠો દેવાનામ્ ઉ કતમઃ શમ્ભવિષ્ઠઃ ।
રથં કમ્ આહુર્ દ્રવદશ્વમ્ આશું યં સૂર્યસ્ય દુહિતાવૃણીત ॥

મક્ષૂ હિ ષ્મા ગચ્છથ ઈવતો દ્યૂન્ ઇન્દ્રો ન શક્તિમ્ પરિતક્મ્યાયામ્ ।
દિવ આજાતા દિવ્યા સુપર્ણા કયા શચીનામ્ ભવથઃ શચિષ્ઠા ॥

કા વામ્ ભૂદ્ ઉપમાતિઃ કયા ન આશ્વિના ગમથો હૂયમાના ।
કો વામ્ મહશ્ ચિત્ ત્યજસો અભીક ઉરુષ્યતમ્ માધ્વી દસ્રા ન ઊતી ॥

ઉરુ વાં રથઃ પરિ નક્ષતિ દ્યામ્ આ યત્ સમુદ્રાદ્ અભિ વર્તતે વામ્ ।
મધ્વા માધ્વી મધુ વામ્ પ્રુષાયન્ યત્ સીં વામ્ પૃક્ષો ભુરજન્ત પક્વાઃ ॥

સિન્ધુર્ હ વાં રસયા સિઞ્ચદ્ અશ્વાન્ ઘૃણા વયો ઽરુષાસઃ પરિ ગ્મન્ ।
તદ્ ઊ ષુ વામ્ અજિરં ચેતિ યાનં યેન પતી ભવથઃ સૂર્યાયાઃ ॥

ઇહેહ યદ્ વાં સમના પપૃક્ષે સેયમ્ અસ્મે સુમતિર્ વાજરત્ના ।
ઉરુષ્યતં જરિતારં યુવં હ શ્રિતઃ કામો નાસત્યા યુવદ્રિક્ ॥