ઋગ્વેદ · અધ્યાય 4.040

દધિક્રાવ્ણ ઇદ્ ઉ નુ ચર્કિરામ વિશ્વા ઇન્ મામ્ ઉષસઃ સૂદયન્તુ ।
અપામ્ અગ્નેર્ ઉષસઃ સૂર્યસ્ય બૃહસ્પતેર્ આઙ્ગિરસસ્ય જિષ્ણોઃ ॥

સત્વા ભરિષો ગવિષો દુવન્યસચ્ છ્રવસ્યાદ્ ઇષ ઉષસસ્ તુરણ્યસત્ ।
સત્યો દ્રવો દ્રવરઃ પતંગરો દધિક્રાવેષમ્ ઊર્જં સ્વર્ જનત્ ॥

ઉત સ્માસ્ય દ્રવતસ્ તુરણ્યતઃ પર્ણં ન વેર્ અનુ વાતિ પ્રગર્ધિનઃ ।
શ્યેનસ્યેવ ધ્રજતો અઙ્કસમ્ પરિ દધિક્રાવ્ણઃ સહોર્જા તરિત્રતઃ ॥

ઉત સ્ય વાજી ક્ષિપણિં તુરણ્યતિ ગ્રીવાયામ્ બદ્ધો અપિકક્ષ આસનિ ।
ક્રતું દધિક્રા અનુ સંતવીત્વત્ પથામ્ અઙ્કાંસ્ય્ અન્વ્ આપનીફણત્ ॥

હંસઃ શુચિષદ્ વસુર્ અન્તરિક્ષસદ્ ધોતા વેદિષદ્ અતિથિર્ દુરોણસત્ ।
નૃષદ્ વરસદ્ ઋતસદ્ વ્યોમસદ્ અબ્જા ગોજા ઋતજા અદ્રિજા ઋતમ્ ॥