ઋગ્વેદ · અધ્યાય 4.039

આશું દધિક્રાં તમ્ ઉ નુ ષ્ટવામ દિવસ્ પૃથિવ્યા ઉત ચર્કિરામ ।
ઉચ્છન્તીર્ મામ્ ઉષસઃ સૂદયન્ત્વ્ અતિ વિશ્વાનિ દુરિતાનિ પર્ષન્ ॥

મહશ્ ચર્કર્મ્ય્ અર્વતઃ ક્રતુપ્રા દધિક્રાવ્ણઃ પુરુવારસ્ય વૃષ્ણઃ ।
યમ્ પૂરુભ્યો દીદિવાંસં નાગ્નિં દદથુર્ મિત્રાવરુણા તતુરિમ્ ॥

યો અશ્વસ્ય દધિક્રાવ્ણો અકારીત્ સમિદ્ધે અગ્ના ઉષસો વ્યુષ્ટૌ ।
અનાગસં તમ્ અદિતિઃ કૃણોતુ સ મિત્રેણ વરુણેના સજોષાઃ ॥

દધિક્રાવ્ણ ઇષ ઊર્જો મહો યદ્ અમન્મહિ મરુતાં નામ ભદ્રમ્ ।
સ્વસ્તયે વરુણમ્ મિત્રમ્ અગ્નિં હવામહ ઇન્દ્રં વજ્રબાહુમ્ ॥

ઇન્દ્રમ્ ઇવેદ્ ઉભયે વિ હ્વયન્ત ઉદીરાણા યજ્ઞમ્ ઉપપ્રયન્તઃ ।
દધિક્રામ્ ઉ સૂદનમ્ મર્ત્યાય દદથુર્ મિત્રાવરુણા નો અશ્વમ્ ॥

દધિક્રાવ્ણો અકારિષં જિષ્ણોર્ અશ્વસ્ય વાજિનઃ ।
સુરભિ નો મુખા કરત્ પ્ર ણ આયૂંષિ તારિષત્ ॥