ઋગ્વેદ · અધ્યાય 4.035

ઇહોપ યાત શવસો નપાતઃ સૌધન્વના ઋભવો માપ ભૂત ।
અસ્મિન્ હિ વઃ સવને રત્નધેયં ગમન્ત્વ્ ઇન્દ્રમ્ અનુ વો મદાસઃ ॥

આગન્ન્ ઋભૂણામ્ ઇહ રત્નધેયમ્ અભૂત્ સોમસ્ય સુષુતસ્ય પીતિઃ ।
સુકૃત્યયા યત્ સ્વપસ્યયા ચઁ એકં વિચક્ર ચમસં ચતુર્ધા ॥

વ્ય્ અકૃણોત ચમસં ચતુર્ધા સખે વિ શિક્ષેત્ય્ અબ્રવીત ।
અથૈત વાજા અમૃતસ્ય પન્થાં ગણં દેવાનામ્ ઋભવઃ સુહસ્તાઃ ॥

કિમ્મયઃ સ્વિચ્ ચમસ એષ આસ યં કાવ્યેન ચતુરો વિચક્ર ।
અથા સુનુધ્વં સવનમ્ મદાય પાત ઋભવો મધુનઃ સોમ્યસ્ય ॥

શચ્યાકર્ત પિતરા યુવાના શચ્યાકર્ત ચમસં દેવપાનમ્ ।
શચ્યા હરી ધનુતરાવ્ અતષ્ટેન્દ્રવાહાવ્ ઋભવો વાજરત્નાઃ ॥

યો વઃ સુનોત્ય્ અભિપિત્વે અહ્નાં તીવ્રં વાજાસઃ સવનમ્ મદાય ।
તસ્મૈ રયિમ્ ઋભવઃ સર્વવીરમ્ આ તક્ષત વૃષણો મન્દસાનાઃ ॥

પ્રાતઃ સુતમ્ અપિબો હર્યશ્વ માધ્યંદિનં સવનં કેવલં તે ।
સમ્ ઋભુભિઃ પિબસ્વ રત્નધેભિઃ સખીઁર્ યાઁ ઇન્દ્ર ચકૃષે સુકૃત્યા ॥

યે દેવાસો અભવતા સુકૃત્યા શ્યેના ઇવેદ્ અધિ દિવિ નિષેદ ।
તે રત્નં ધાત શવસો નપાતઃ સૌધન્વના અભવતામૃતાસઃ ॥

યત્ તૃતીયં સવનં રત્નધેયમ્ અકૃણુધ્વં સ્વપસ્યા સુહસ્તાઃ ।
તદ્ ઋભવઃ પરિષિક્તં વ એતત્ સમ્ મદેભિર્ ઇન્દ્રિયેભિઃ પિબધ્વમ્ ॥