ઋગ્વેદ · અધ્યાય 4.030

નકિર્ ઇન્દ્ર ત્વદ્ ઉત્તરો ન જ્યાયાઁ અસ્તિ વૃત્રહન્ ।
નકિર્ એવા યથા ત્વમ્ ॥

સત્રા તે અનુ કૃષ્ટયો વિશ્વા ચક્રેવ વાવૃતુઃ ।
સત્રા મહાઁ અસિ શ્રુતઃ ॥

વિશ્વે ચનેદ્ અના ત્વા દેવાસ ઇન્દ્ર યુયુધુઃ ।
યદ્ અહા નક્તમ્ આતિરઃ ॥

યત્રોત બાધિતેભ્યશ્ ચક્રં કુત્સાય યુધ્યતે ।
મુષાય ઇન્દ્ર સૂર્યમ્ ॥

યત્ર દેવાઁ ઋઘાયતો વિશ્વાઁ અયુધ્ય એક ઇત્ ।
ત્વમ્ ઇન્દ્ર વનૂઁર્ અહન્ ॥

યત્રોત મર્ત્યાય કમ્ અરિણા ઇન્દ્ર સૂર્યમ્ ।
પ્રાવઃ શચીભિર્ એતશમ્ ॥

કિમ્ આદ્ ઉતાસિ વૃત્રહન્ મઘવન્ મન્યુમત્તમઃ ।
અત્રાહ દાનુમ્ આતિરઃ ॥

એતદ્ ઘેદ્ ઉત વીર્ય1મ્ ઇન્દ્ર ચકર્થ પૌંસ્યમ્ ।
સ્ત્રિયં યદ્ દુર્હણાયુવં વધીર્ દુહિતરં દિવઃ ॥

દિવશ્ ચિદ્ ઘા દુહિતરમ્ મહાન્ મહીયમાનામ્ ।
ઉષાસમ્ ઇન્દ્ર સમ્ પિણક્ ॥

અપોષા અનસઃ સરત્ સમ્પિષ્ટાદ્ અહ બિભ્યુષી ।
નિ યત્ સીં શિશ્નથદ્ વૃષા ॥

એતદ્ અસ્યા અનઃ શયે સુસમ્પિષ્ટં વિપાશ્ય્ આ ।
સસાર સીમ્ પરાવતઃ ॥

ઉત સિન્ધું વિબાલ્યં વિતસ્થાનામ્ અધિ ક્ષમિ ।
પરિ ષ્ઠા ઇન્દ્ર માયયા ॥

ઉત શુષ્ણસ્ય ધૃષ્ણુયા પ્ર મૃક્ષો અભિ વેદનમ્ ।
પુરો યદ્ અસ્ય સમ્પિણક્ ॥

ઉત દાસં કૌલિતરમ્ બૃહતઃ પર્વતાદ્ અધિ ।
અવાહન્ન્ ઇન્દ્ર શમ્બરમ્ ॥

ઉત દાસસ્ય વર્ચિનઃ સહસ્રાણિ શતાવધીઃ ।
અધિ પઞ્ચ પ્રધીઁર્ ઇવ ॥

ઉત ત્યમ્ પુત્રમ્ અગ્રુવઃ પરાવૃક્તં શતક્રતુઃ ।
ઉક્થેષ્વ્ ઇન્દ્ર આભજત્ ॥

ઉત ત્યા તુર્વશાયદૂ અસ્નાતારા શચીપતિઃ ।
ઇન્દ્રો વિદ્વાઁ અપારયત્ ॥

ઉત ત્યા સદ્ય આર્યા સરયોર્ ઇન્દ્ર પારતઃ ।
અર્ણાચિત્રરથાવધીઃ ॥

અનુ દ્વા જહિતા નયો ઽન્ધં શ્રોણં ચ વૃત્રહન્ ।
ન તત્ તે સુમ્નમ્ અષ્ટવે ॥

શતમ્ અશ્મન્મયીનામ્ પુરામ્ ઇન્દ્રો વ્ય્ આસ્યત્ ।
દિવોદાસાય દાશુષે ॥

અસ્વાપયદ્ દભીતયે સહસ્રા ત્રિંશતં હથૈઃ ।
દાસાનામ્ ઇન્દ્રો માયયા ॥

સ ઘેદ્ ઉતાસિ વૃત્રહન્ સમાન ઇન્દ્ર ગોપતિઃ ।
યસ્ તા વિશ્વાનિ ચિચ્યુષે ॥

ઉત નૂનં યદ્ ઇન્દ્રિયં કરિષ્યા ઇન્દ્ર પૌંસ્યમ્ ।
અદ્યા નકિષ્ ટદ્ આ મિનત્ ॥

વામં-વામં ત આદુરે દેવો દદાત્વ્ અર્યમા ।
વામમ્ પૂષા વામમ્ ભગો વામં દેવઃ કરૂળતી ॥