ઋગ્વેદ · અધ્યાય 4.028

ત્વા યુજા તવ તત્ સોમ સખ્ય ઇન્દ્રો અપો મનવે સસ્રુતસ્ કઃ ।
અહન્ન્ અહિમ્ અરિણાત્ સપ્ત સિન્ધૂન્ અપાવૃણોદ્ અપિહિતેવ ખાનિ ॥

ત્વા યુજા નિ ખિદત્ સૂર્યસ્યેન્દ્રશ્ ચક્રં સહસા સદ્ય ઇન્દો ।
અધિ ષ્ણુના બૃહતા વર્તમાનમ્ મહો દ્રુહો અપ વિશ્વાયુ ધાયિ ॥

અહન્ન્ ઇન્દ્રો અદહદ્ અગ્નિર્ ઇન્દો પુરા દસ્યૂન્ મધ્યંદિનાદ્ અભીકે ।
દુર્ગે દુરોણે ક્રત્વા ન યાતામ્ પુરૂ સહસ્રા શર્વા નિ બર્હીત્ ॥

વિશ્વસ્માત્ સીમ્ અધમાઁ ઇન્દ્ર દસ્યૂન્ વિશો દાસીર્ અકૃણોર્ અપ્રશસ્તાઃ ।
અબાધેથામ્ અમૃણતં નિ શત્રૂન્ અવિન્દેથામ્ અપચિતિં વધત્રૈઃ ॥

એવા સત્યમ્ મઘવાના યુવં તદ્ ઇન્દ્રશ્ ચ સોમોર્વમ્ અશ્વ્યં ગોઃ ।
આદર્દૃતમ્ અપિહિતાન્ય્ અશ્ના રિરિચથુઃ ક્ષાશ્ ચિત્ તતૃદાના ॥