ઋગ્વેદ · અધ્યાય 4.024

કા સુષ્ટુતિઃ શવસઃ સૂનુમ્ ઇન્દ્રમ્ અર્વાચીનં રાધસ આ વવર્તત્ ।
દદિર્ હિ વીરો ગૃણતે વસૂનિ સ ગોપતિર્ નિષ્ષિધાં નો જનાસઃ ॥

સ વૃત્રહત્યે હવ્યઃ સ ઈડ્યઃ સ સુષ્ટુત ઇન્દ્રઃ સત્યરાધાઃ ।
સ યામન્ન્ આ મઘવા મર્ત્યાય બ્રહ્મણ્યતે સુષ્વયે વરિવો ધાત્ ॥

તમ્ ઇન્ નરો વિ હ્વયન્તે સમીકે રિરિક્વાંસસ્ તન્વઃ કૃણ્વત ત્રામ્ ।
મિથો યત્ ત્યાગમ્ ઉભયાસો અગ્મન્ નરસ્ તોકસ્ય તનયસ્ય સાતૌ ॥

ક્રતૂયન્તિ ક્ષિતયો યોગ ઉગ્રાશુષાણાસો મિથો અર્ણસાતૌ ।
સં યદ્ વિશો ઽવવૃત્રન્ત યુધ્મા આદ્ ઇન્ નેમ ઇન્દ્રયન્તે અભીકે ॥

આદ્ ઇદ્ ધ નેમ ઇન્દ્રિયં યજન્ત આદ્ ઇત્ પક્તિઃ પુરોળાશં રિરિચ્યાત્ ।
આદ્ ઇત્ સોમો વિ પપૃચ્યાદ્ અસુષ્વીન્ આદ્ ઇજ્ જુજોષ વૃષભં યજધ્યૈ ॥

કૃણોત્ય્ અસ્મૈ વરિવો ય ઇત્થેન્દ્રાય સોમમ્ ઉશતે સુનોતિ ।
સધ્રીચીનેન મનસાવિવેનન્ તમ્ ઇત્ સખાયં કૃણુતે સમત્સુ ॥

ય ઇન્દ્રાય સુનવત્ સોમમ્ અદ્ય પચાત્ પક્તીર્ ઉત ભૃજ્જાતિ ધાનાઃ ।
પ્રતિ મનાયોર્ ઉચથાનિ હર્યન્ તસ્મિન્ દધદ્ વૃષણં શુષ્મમ્ ઇન્દ્રઃ ॥

યદા સમર્યં વ્ય્ અચેદ્ ઋઘાવા દીર્ઘં યદ્ આજિમ્ અભ્ય્ અખ્યદ્ અર્યઃ ।
અચિક્રદદ્ વૃષણમ્ પત્ન્ય્ અચ્છા દુરોણ આ નિશિતં સોમસુદ્ભિઃ ॥

ભૂયસા વસ્નમ્ અચરત્ કનીયો ઽવિક્રીતો અકાનિષમ્ પુનર્ યન્ ।
સ ભૂયસા કનીયો નારિરેચીદ્ દીના દક્ષા વિ દુહન્તિ પ્ર વાણમ્ ॥

ક ઇમં દશભિર્ મમેન્દ્રં ક્રીણાતિ ધેનુભિઃ ।
યદા વૃત્રાણિ જઙ્ઘનદ્ અથૈનમ્ મે પુનર્ દદત્ ॥

નૂ ષ્ટુત ઇન્દ્ર નૂ ગૃણાન ઇષં જરિત્રે નદ્યો3 ન પીપેઃ ।
અકારિ તે હરિવો બ્રહ્મ નવ્યં ધિયા સ્યામ રથ્યઃ સદાસાઃ ॥