ઋગ્વેદ · અધ્યાય 4.023

કથા મહામ્ અવૃધત્ કસ્ય હોતુર્ યજ્ઞં જુષાણો અભિ સોમમ્ ઊધઃ ।
પિબન્ન્ ઉશાનો જુષમાણો અન્ધો વવક્ષ ઋષ્વઃ શુચતે ધનાય ॥

કો અસ્ય વીરઃ સધમાદમ્ આપ સમ્ આનંશ સુમતિભિઃ કો અસ્ય ।
કદ્ અસ્ય ચિત્રં ચિકિતે કદ્ ઊતી વૃધે ભુવચ્ છશમાનસ્ય યજ્યોઃ ॥

કથા શૃણોતિ હૂયમાનમ્ ઇન્દ્રઃ કથા શૃણ્વન્ન્ અવસામ્ અસ્ય વેદ ।
કા અસ્ય પૂર્વીર્ ઉપમાતયો હ કથૈનમ્ આહુઃ પપુરિં જરિત્રે ॥

કથા સબાધઃ શશમાનો અસ્ય નશદ્ અભિ દ્રવિણં દીધ્યાનઃ ।
દેવો ભુવન્ નવેદા મ ઋતાનાં નમો જગૃભ્વાઁ અભિ યજ્ જુજોષત્ ॥

કથા કદ્ અસ્યા ઉષસો વ્યુષ્ટૌ દેવો મર્તસ્ય સખ્યં જુજોષ ।
કથા કદ્ અસ્ય સખ્યં સખિભ્યો યે અસ્મિન્ કામં સુયુજં તતસ્રે ॥

કિમ્ આદ્ અમત્રં સખ્યં સખિભ્યઃ કદા નુ તે ભ્રાત્રમ્ પ્ર બ્રવામ ।
શ્રિયે સુદૃશો વપુર્ અસ્ય સર્ગાઃ સ્વ1ર્ ણ ચિત્રતમમ્ ઇષ આ ગોઃ ॥

દ્રુહં જિઘાંસન્ ધ્વરસમ્ અનિન્દ્રાં તેતિક્તે તિગ્મા તુજસે અનીકા ।
ઋણા ચિદ્ યત્ર ઋણયા ન ઉગ્રો દૂરે અજ્ઞાતા ઉષસો બબાધે ॥

ઋતસ્ય હિ શુરુધઃ સન્તિ પૂર્વીર્ ઋતસ્ય ધીતિર્ વૃજિનાનિ હન્તિ ।
ઋતસ્ય શ્લોકો બધિરા તતર્દ કર્ણા બુધાનઃ શુચમાન આયોઃ ॥

ઋતસ્ય દૃળ્હા ધરુણાનિ સન્તિ પુરૂણિ ચન્દ્રા વપુષે વપૂંષિ ।
ઋતેન દીર્ઘમ્ ઇષણન્ત પૃક્ષ ઋતેન ગાવ ઋતમ્ આ વિવેશુઃ ॥

ઋતં યેમાન ઋતમ્ ઇદ્ વનોત્ય્ ઋતસ્ય શુષ્મસ્ તુરયા ઉ ગવ્યુઃ ।
ઋતાય પૃથ્વી બહુલે ગભીરે ઋતાય ધેનૂ પરમે દુહાતે ॥

નૂ ષ્ટુત ઇન્દ્ર નૂ ગૃણાન ઇષં જરિત્રે નદ્યો3 ન પીપેઃ ।
અકારિ તે હરિવો બ્રહ્મ નવ્યં ધિયા સ્યામ રથ્યઃ સદાસાઃ ॥