ઋગ્વેદ · અધ્યાય 4.022

યન્ ન ઇન્દ્રો જુજુષે યચ્ ચ વષ્ટિ તન્ નો મહાન્ કરતિ શુષ્મ્ય્ આ ચિત્ ।
બ્રહ્મ સ્તોમમ્ મઘવા સોમમ્ ઉક્થા યો અશ્માનં શવસા બિભ્રદ્ એતિ ॥

વૃષા વૃષન્ધિં ચતુરશ્રિમ્ અસ્યન્ન્ ઉગ્રો બાહુભ્યાં નૃતમઃ શચીવાન્ ।
શ્રિયે પરુષ્ણીમ્ ઉષમાણ ઊર્ણાં યસ્યાઃ પર્વાણિ સખ્યાય વિવ્યે ॥

યો દેવો દેવતમો જાયમાનો મહો વાજેભિર્ મહદ્ભિશ્ ચ શુષ્મૈઃ ।
દધાનો વજ્રમ્ બાહ્વોર્ ઉશન્તં દ્યામ્ અમેન રેજયત્ પ્ર ભૂમ ॥

વિશ્વા રોધાંસિ પ્રવતશ્ ચ પૂર્વીર્ દ્યૌર્ ઋષ્વાજ્ જનિમન્ રેજત ક્ષાઃ ।
આ માતરા ભરતિ શુષ્મ્ય્ આ ગોર્ નૃવત્ પરિજ્મન્ નોનુવન્ત વાતાઃ ॥

તા તૂ ત ઇન્દ્ર મહતો મહાનિ વિશ્વેષ્વ્ ઇત્ સવનેષુ પ્રવાચ્યા ।
યચ્ છૂર ધૃષ્ણો ધૃષતા દધૃષ્વાન્ અહિં વજ્રેણ શવસાવિવેષીઃ ॥

તા તૂ તે સત્યા તુવિનૃમ્ણ વિશ્વા પ્ર ધેનવઃ સિસ્રતે વૃષ્ણ ઊધ્નઃ ।
અધા હ ત્વદ્ વૃષમણો ભિયાનાઃ પ્ર સિન્ધવો જવસા ચક્રમન્ત ॥

અત્રાહ તે હરિવસ્ તા ઉ દેવીર્ અવોભિર્ ઇન્દ્ર સ્તવન્ત સ્વસારઃ ।
યત્ સીમ્ અનુ પ્ર મુચો બદ્બધાના દીર્ઘામ્ અનુ પ્રસિતિં સ્યન્દયધ્યૈ ॥

પિપીળે અંશુર્ મદ્યો ન સિન્ધુર્ આ ત્વા શમી શશમાનસ્ય શક્તિઃ ।
અસ્મદ્ર્યક્ છુશુચાનસ્ય યમ્યા આશુર્ ન રશ્મિં તુવ્યોજસં ગોઃ ॥

અસ્મે વર્ષિષ્ઠા કૃણુહિ જ્યેષ્ઠા નૃમ્ણાનિ સત્રા સહુરે સહાંસિ ।
અસ્મભ્યં વૃત્રા સુહનાનિ રન્ધિ જહિ વધર્ વનુષો મર્ત્યસ્ય ॥

અસ્માકમ્ ઇત્ સુ શૃણુહિ ત્વમ્ ઇન્દ્રાસ્મભ્યં ચિત્રાઁ ઉપ માહિ વાજાન્ ।
અસ્મભ્યં વિશ્વા ઇષણઃ પુરંધીર્ અસ્માકં સુ મઘવન્ બોધિ ગોદાઃ ॥

નૂ ષ્ટુત ઇન્દ્ર નૂ ગૃણાન ઇષં જરિત્રે નદ્યો3 ન પીપેઃ ।
અકારિ તે હરિવો બ્રહ્મ નવ્યં ધિયા સ્યામ રથ્યઃ સદાસાઃ ॥