ઋગ્વેદ · અધ્યાય 4.020

આ ન ઇન્દ્રો દૂરાદ્ આ ન આસાદ્ અભિષ્ટિકૃદ્ અવસે યાસદ્ ઉગ્રઃ ।
ઓજિષ્ઠેભિર્ નૃપતિર્ વજ્રબાહુઃ સંગે સમત્સુ તુર્વણિઃ પૃતન્યૂન્ ॥

આ ન ઇન્દ્રો હરિભિર્ યાત્વ્ અચ્છાર્વાચીનો ઽવસે રાધસે ચ ।
તિષ્ઠાતિ વજ્રી મઘવા વિરપ્શીમં યજ્ઞમ્ અનુ નો વાજસાતૌ ॥

ઇમં યજ્ઞં ત્વમ્ અસ્માકમ્ ઇન્દ્ર પુરો દધત્ સનિષ્યસિ ક્રતું નઃ ।
શ્વઘ્નીવ વજ્રિન્ સનયે ધનાનાં ત્વયા વયમ્ અર્ય આજિં જયેમ ॥

ઉશન્ન્ ઉ ષુ ણઃ સુમના ઉપાકે સોમસ્ય નુ સુષુતસ્ય સ્વધાવઃ ।
પા ઇન્દ્ર પ્રતિભૃતસ્ય મધ્વઃ સમ્ અન્ધસા મમદઃ પૃષ્ઠ્યેન ॥

વિ યો રરપ્શ ઋષિભિર્ નવેભિર્ વૃક્ષો ન પક્વઃ સૃણ્યો ન જેતા ।
મર્યો ન યોષામ્ અભિ મન્યમાનો ઽચ્છા વિવક્મિ પુરુહૂતમ્ ઇન્દ્રમ્ ॥

ગિરિર્ ન યઃ સ્વતવાઁ ઋષ્વ ઇન્દ્રઃ સનાદ્ એવ સહસે જાત ઉગ્રઃ ।
આદર્તા વજ્રં સ્થવિરં ન ભીમ ઉદ્નેવ કોશં વસુના ન્યૃષ્ટમ્ ॥

ન યસ્ય વર્તા જનુષા ન્વ્ અસ્તિ ન રાધસ આમરીતા મઘસ્ય ।
ઉદ્વાવૃષાણસ્ તવિષીવ ઉગ્રાસ્મભ્યં દદ્ધિ પુરુહૂત રાયઃ ॥

ઈક્ષે રાયઃ ક્ષયસ્ય ચર્ષણીનામ્ ઉત વ્રજમ્ અપવર્તાસિ ગોનામ્ ।
શિક્ષાનરઃ સમિથેષુ પ્રહાવાન્ વસ્વો રાશિમ્ અભિનેતાસિ ભૂરિમ્ ॥

કયા તચ્ છૃણ્વે શચ્યા શચિષ્ઠો યયા કૃણોતિ મુહુ કા ચિદ્ ઋષ્વઃ ।
પુરુ દાશુષે વિચયિષ્ઠો અંહો ઽથા દધાતિ દ્રવિણં જરિત્રે ॥

મા નો મર્ધીર્ આ ભરા દદ્ધિ તન્ નઃ પ્ર દાશુષે દાતવે ભૂરિ યત્ તે ।
નવ્યે દેષ્ણે શસ્તે અસ્મિન્ ત ઉક્થે પ્ર બ્રવામ વયમ્ ઇન્દ્ર સ્તુવન્તઃ ॥

નૂ ષ્ટુત ઇન્દ્ર નૂ ગૃણાન ઇષં જરિત્રે નદ્યો3 ન પીપેઃ ।
અકારિ તે હરિવો બ્રહ્મ નવ્યં ધિયા સ્યામ રથ્યઃ સદાસાઃ ॥