ઋગ્વેદ · અધ્યાય 4.017

ત્વમ્ મહાઁ ઇન્દ્ર તુભ્યં હ ક્ષા અનુ ક્ષત્રમ્ મંહના મન્યત દ્યૌઃ ।
ત્વં વૃત્રં શવસા જઘન્વાન્ સૃજઃ સિન્ધૂઁર્ અહિના જગ્રસાનાન્ ॥

તવ ત્વિષો જનિમન્ રેજત દ્યૌ રેજદ્ ભૂમિર્ ભિયસા સ્વસ્ય મન્યોઃ ।
ઋઘાયન્ત સુભ્વ1ઃ પર્વતાસ આર્દન્ ધન્વાનિ સરયન્ત આપઃ ॥

ભિનદ્ ગિરિં શવસા વજ્રમ્ ઇષ્ણન્ન્ આવિષ્કૃણ્વાનઃ સહસાન ઓજઃ ।
વધીદ્ વૃત્રં વજ્રેણ મન્દસાનઃ સરન્ન્ આપો જવસા હતવૃષ્ણીઃ ॥

સુવીરસ્ તે જનિતા મન્યત દ્યૌર્ ઇન્દ્રસ્ય કર્તા સ્વપસ્તમો ભૂત્ ।
ય ઈં જજાન સ્વર્યં સુવજ્રમ્ અનપચ્યુતં સદસો ન ભૂમ ॥

ય એક ઇચ્ ચ્યાવયતિ પ્ર ભૂમા રાજા કૃષ્ટીનામ્ પુરુહૂત ઇન્દ્રઃ ।
સત્યમ્ એનમ્ અનુ વિશ્વે મદન્તિ રાતિં દેવસ્ય ગૃણતો મઘોનઃ ॥

સત્રા સોમા અભવન્ન્ અસ્ય વિશ્વે સત્રા મદાસો બૃહતો મદિષ્ઠાઃ ।
સત્રાભવો વસુપતિર્ વસૂનાં દત્રે વિશ્વા અધિથા ઇન્દ્ર કૃષ્ટીઃ ॥

ત્વમ્ અધ પ્રથમં જાયમાનો ઽમે વિશ્વા અધિથા ઇન્દ્ર કૃષ્ટીઃ ।
ત્વમ્ પ્રતિ પ્રવત આશયાનમ્ અહિં વજ્રેણ મઘવન્ વિ વૃશ્ચઃ ॥

સત્રાહણં દાધૃષિં તુમ્રમ્ ઇન્દ્રમ્ મહામ્ અપારં વૃષભં સુવજ્રમ્ ।
હન્તા યો વૃત્રં સનિતોત વાજં દાતા મઘાનિ મઘવા સુરાધાઃ ॥

અયં વૃતશ્ ચાતયતે સમીચીર્ ય આજિષુ મઘવા શૃણ્વ એકઃ ।
અયં વાજમ્ ભરતિ યં સનોત્ય્ અસ્ય પ્રિયાસઃ સખ્યે સ્યામ ॥

અયં શૃણ્વે અધ જયન્ન્ ઉત ઘ્નન્ન્ અયમ્ ઉત પ્ર કૃણુતે યુધા ગાઃ ।
યદા સત્યં કૃણુતે મન્યુમ્ ઇન્દ્રો વિશ્વં દૃળ્હમ્ ભયત એજદ્ અસ્માત્ ॥

સમ્ ઇન્દ્રો ગા અજયત્ સં હિરણ્યા સમ્ અશ્વિયા મઘવા યો હ પૂર્વીઃ ।
એભિર્ નૃભિર્ નૃતમો અસ્ય શાકૈ રાયો વિભક્તા સમ્ભરશ્ ચ વસ્વઃ ॥

કિયત્ સ્વિદ્ ઇન્દ્રો અધ્ય્ એતિ માતુઃ કિયત્ પિતુર્ જનિતુર્ યો જજાન ।
યો અસ્ય શુષ્મમ્ મુહુકૈર્ ઇયર્તિ વાતો ન જૂતઃ સ્તનયદ્ભિર્ અભ્રૈઃ ॥

ક્ષિયન્તં ત્વમ્ અક્ષિયન્તં કૃણોતીયર્તિ રેણુમ્ મઘવા સમોહમ્ ।
વિભઞ્જનુર્ અશનિમાઁ ઇવ દ્યૌર્ ઉત સ્તોતારમ્ મઘવા વસૌ ધાત્ ॥

અયં ચક્રમ્ ઇષણત્ સૂર્યસ્ય ન્ય્ એતશં રીરમત્ સસૃમાણમ્ ।
આ કૃષ્ણ ઈં જુહુરાણો જિઘર્તિ ત્વચો બુધ્ને રજસો અસ્ય યોનૌ ॥

અસિક્ન્યાં યજમાનો ન હોતા ॥

ગવ્યન્ત ઇન્દ્રં સખ્યાય વિપ્રા અશ્વાયન્તો વૃષણં વાજયન્તઃ ।
જનીયન્તો જનિદામ્ અક્ષિતોતિમ્ આ ચ્યાવયામો ઽવતે ન કોશમ્ ॥

ત્રાતા નો બોધિ દદૃશાન આપિર્ અભિખ્યાતા મર્ડિતા સોમ્યાનામ્ ।
સખા પિતા પિતૃતમઃ પિતૄણાં કર્તેમ્ ઉ લોકમ્ ઉશતે વયોધાઃ ॥

સખીયતામ્ અવિતા બોધિ સખા ગૃણાન ઇન્દ્ર સ્તુવતે વયો ધાઃ ।
વયં હ્ય્ આ તે ચકૃમા સબાધ આભિઃ શમીભિર્ મહયન્ત ઇન્દ્ર ॥

સ્તુત ઇન્દ્રો મઘવા યદ્ ધ વૃત્રા ભૂરીણ્ય્ એકો અપ્રતીનિ હન્તિ ।
અસ્ય પ્રિયો જરિતા યસ્ય શર્મન્ નકિર્ દેવા વારયન્તે ન મર્તાઃ ॥

એવા ન ઇન્દ્રો મઘવા વિરપ્શી કરત્ સત્યા ચર્ષણીધૃદ્ અનર્વા ।
ત્વં રાજા જનુષાં ધેહ્ય્ અસ્મે અધિ શ્રવો માહિનં યજ્ જરિત્રે ॥

નૂ ષ્ટુત ઇન્દ્ર નૂ ગૃણાન ઇષં જરિત્રે નદ્યો3 ન પીપેઃ ।
અકારિ તે હરિવો બ્રહ્મ નવ્યં ધિયા સ્યામ રથ્યઃ સદાસાઃ ॥