ઋગ્વેદ · અધ્યાય 4.016

આ સત્યો યાતુ મઘવાઁ ઋજીષી દ્રવન્ત્વ્ અસ્ય હરય ઉપ નઃ ।
તસ્મા ઇદ્ અન્ધઃ સુષુમા સુદક્ષમ્ ઇહાભિપિત્વં કરતે ગૃણાનઃ ॥

અવ સ્ય શૂરાધ્વનો નાન્તે ઽસ્મિન્ નો અદ્ય સવને મન્દધ્યૈ ।
શંસાત્ય્ ઉક્થમ્ ઉશનેવ વેધાશ્ ચિકિતુષે અસુર્યાય મન્મ ॥

કવિર્ ન નિણ્યં વિદથાનિ સાધન્ વૃષા યત્ સેકં વિપિપાનો અર્ચાત્ ।
દિવ ઇત્થા જીજનત્ સપ્ત કારૂન્ અહ્ના ચિચ્ ચક્રુર્ વયુના ગૃણન્તઃ ॥

સ્વ1ર્ યદ્ વેદિ સુદૃશીકમ્ અર્કૈર્ મહિ જ્યોતી રુરુચુર્ યદ્ ધ વસ્તોઃ ।
અન્ધા તમાંસિ દુધિતા વિચક્ષે નૃભ્યશ્ ચકાર નૃતમો અભિષ્ટૌ ॥

વવક્ષ ઇન્દ્રો અમિતમ્ ઋજીષ્ય્ ઉ1ભે આ પપ્રૌ રોદસી મહિત્વા ।
અતશ્ ચિદ્ અસ્ય મહિમા વિ રેચ્ય્ અભિ યો વિશ્વા ભુવના બભૂવ ॥

વિશ્વાનિ શક્રો નર્યાણિ વિદ્વાન્ અપો રિરેચ સખિભિર્ નિકામૈઃ ।
અશ્માનં ચિદ્ યે બિભિદુર્ વચોભિર્ વ્રજં ગોમન્તમ્ ઉશિજો વિ વવ્રુઃ ॥

અપો વૃત્રં વવ્રિવાંસમ્ પરાહન્ પ્રાવત્ તે વજ્રમ્ પૃથિવી સચેતાઃ ।
પ્રાર્ણાંસિ સમુદ્રિયાણ્ય્ ઐનોઃ પતિર્ ભવઞ્ છવસા શૂર ધૃષ્ણો ॥

અપો યદ્ અદ્રિમ્ પુરુહૂત દર્દર્ આવિર્ ભુવત્ સરમા પૂર્વ્યં તે ।
સ નો નેતા વાજમ્ આ દર્ષિ ભૂરિં ગોત્રા રુજન્ન્ અઙ્ગિરોભિર્ ગૃણાનઃ ॥

અચ્છા કવિં નૃમણો ગા અભિષ્ટૌ સ્વર્ષાતા મઘવન્ નાધમાનમ્ ।
ઊતિભિસ્ તમ્ ઇષણો દ્યુમ્નહૂતૌ નિ માયાવાન્ અબ્રહ્મા દસ્યુર્ અર્ત ॥

આ દસ્યુઘ્ના મનસા યાહ્ય્ અસ્તમ્ ભુવત્ તે કુત્સઃ સખ્યે નિકામઃ ।
સ્વે યોનૌ નિ ષદતં સરૂપા વિ વાં ચિકિત્સદ્ ઋતચિદ્ ધ નારી ॥

યાસિ કુત્સેન સરથમ્ અવસ્યુસ્ તોદો વાતસ્ય હર્યોર્ ઈશાનઃ ।
ઋજ્રા વાજં ન ગધ્યં યુયૂષન્ કવિર્ યદ્ અહન્ પાર્યાય ભૂષાત્ ॥

કુત્સાય શુષ્ણમ્ અશુષં નિ બર્હીઃ પ્રપિત્વે અહ્નઃ કુયવં સહસ્રા ।
સદ્યો દસ્યૂન્ પ્ર મૃણ કુત્સ્યેન પ્ર સૂરશ્ ચક્રં વૃહતાદ્ અભીકે ॥

ત્વમ્ પિપ્રુમ્ મૃગયં શૂશુવાંસમ્ ઋજિશ્વને વૈદથિનાય રન્ધીઃ ।
પઞ્ચાશત્ કૃષ્ણા નિ વપઃ સહસ્રાત્કં ન પુરો જરિમા વિ દર્દઃ ॥

સૂર ઉપાકે તન્વ1ં દધાનો વિ યત્ તે ચેત્ય્ અમૃતસ્ય વર્પઃ ।
મૃગો ન હસ્તી તવિષીમ્ ઉષાણઃ સિંહો ન ભીમ આયુધાનિ બિભ્રત્ ॥

ઇન્દ્રં કામા વસૂયન્તો અગ્મન્ સ્વર્મીળ્હે ન સવને ચકાનાઃ ।
શ્રવસ્યવઃ શશમાનાસ ઉક્થૈર્ ઓકો ન રણ્વા સુદૃશીવ પુષ્ટિઃ ॥

તમ્ ઇદ્ વ ઇન્દ્રં સુહવં હુવેમ યસ્ તા ચકાર નર્યા પુરૂણિ ।
યો માવતે જરિત્રે ગધ્યં ચિન્ મક્ષૂ વાજમ્ ભરતિ સ્પાર્હરાધાઃ ॥

તિગ્મા યદ્ અન્તર્ અશનિઃ પતાતિ કસ્મિઞ્ ચિચ્ છૂર મુહુકે જનાનામ્ ।
ઘોરા યદ્ અર્ય સમૃતિર્ ભવાત્ય્ અધ સ્મા નસ્ તન્વો બોધિ ગોપાઃ ॥

ભુવો ઽવિતા વામદેવસ્ય ધીનામ્ ભુવઃ સખાવૃકો વાજસાતૌ ।
ત્વામ્ અનુ પ્રમતિમ્ આ જગન્મોરુશંસો જરિત્રે વિશ્વધ સ્યાઃ ॥

એભિર્ નૃભિર્ ઇન્દ્ર ત્વાયુભિષ્ ટ્વા મઘવદ્ભિર્ મઘવન્ વિશ્વ આજૌ ।
દ્યાવો ન દ્યુમ્નૈર્ અભિ સન્તો અર્યઃ ક્ષપો મદેમ શરદશ્ ચ પૂર્વીઃ ॥

એવેદ્ ઇન્દ્રાય વૃષભાય વૃષ્ણે બ્રહ્માકર્મ ભૃગવો ન રથમ્ ।
નૂ ચિદ્ યથા નઃ સખ્યા વિયોષદ્ અસન્ ન ઉગ્રો ઽવિતા તનૂપાઃ ॥

નૂ ષ્ટુત ઇન્દ્ર નૂ ગૃણાન ઇષં જરિત્રે નદ્યો3 ન પીપેઃ ।
અકારિ તે હરિવો બ્રહ્મ નવ્યં ધિયા સ્યામ રથ્યઃ સદાસાઃ ॥