ઋગ્વેદ · અધ્યાય 4.015

અગ્નિર્ હોતા નો અધ્વરે વાજી સન્ પરિ ણીયતે ।
દેવો દેવેષુ યજ્ઞિયઃ ॥

પરિ ત્રિવિષ્ટ્ય્ અધ્વરં યાત્ય્ અગ્ની રથીર્ ઇવ ।
આ દેવેષુ પ્રયો દધત્ ॥

પરિ વાજપતિઃ કવિર્ અગ્નિર્ હવ્યાન્ય્ અક્રમીત્ ।
દધદ્ રત્નાનિ દાશુષે ॥

અયં યઃ સૃઞ્જયે પુરો દૈવવાતે સમિધ્યતે ।
દ્યુમાઁ અમિત્રદમ્ભનઃ ॥

અસ્ય ઘા વીર ઈવતો ઽગ્નેર્ ઈશીત મર્ત્યઃ ।
તિગ્મજમ્ભસ્ય મીળ્હુષઃ ॥

તમ્ અર્વન્તં ન સાનસિમ્ અરુષં ન દિવઃ શિશુમ્ ।
મર્મૃજ્યન્તે દિવે-દિવે ॥

બોધદ્ યન્ મા હરિભ્યાં કુમારઃ સાહદેવ્યઃ ।
અચ્છા ન હૂત ઉદ્ અરમ્ ॥

ઉત ત્યા યજતા હરી કુમારાત્ સાહદેવ્યાત્ ।
પ્રયતા સદ્ય આ દદે ॥

એષ વાં દેવાવ્ અશ્વિના કુમારઃ સાહદેવ્યઃ ।
દીર્ઘાયુર્ અસ્તુ સોમકઃ ॥

તં યુવં દેવાવ્ અશ્વિના કુમારં સાહદેવ્યમ્ ।
દીર્ઘાયુષં કૃણોતન ॥