ઋગ્વેદ · અધ્યાય 4.014

પ્રત્ય્ અગ્નિર્ ઉષસો જાતવેદા અખ્યદ્ દેવો રોચમાના મહોભિઃ ।
આ નાસત્યોરુગાયા રથેનેમં યજ્ઞમ્ ઉપ નો યાતમ્ અચ્છ ॥

ઊર્ધ્વં કેતું સવિતા દેવો અશ્રેજ્ જ્યોતિર્ વિશ્વસ્મૈ ભુવનાય કૃણ્વન્ ।
આપ્રા દ્યાવાપૃથિવી અન્તરિક્ષં વિ સૂર્યો રશ્મિભિશ્ ચેકિતાનઃ ॥

આવહન્ત્ય્ અરુણીર્ જ્યોતિષાગાન્ મહી ચિત્રા રશ્મિભિશ્ ચેકિતાના ।
પ્રબોધયન્તી સુવિતાય દેવ્ય્ ઉ1ષા ઈયતે સુયુજા રથેન ॥

આ વાં વહિષ્ઠા ઇહ તે વહન્તુ રથા અશ્વાસ ઉષસો વ્યુષ્ટૌ ।
ઇમે હિ વામ્ મધુપેયાય સોમા અસ્મિન્ યજ્ઞે વૃષણા માદયેથામ્ ॥

અનાયતો અનિબદ્ધઃ કથાયં ન્યઙ્ઙ્ ઉત્તાનો ઽવ પદ્યતે ન ।
કયા યાતિ સ્વધયા કો દદર્શ દિવઃ સ્કમ્ભઃ સમૃતઃ પાતિ નાકમ્ ॥