Rig Veda · Chapter 4.014

praty agnir uṣaso jātavedā akhyad devo rocamānā mahobhiḥ |
ā nāsatyorugāyā rathenemaṁ yajñam upa no yātam accha ||

ūrdhvaṁ ketuṁ savitā devo aśrej jyotir viśvasmai bhuvanāya kṛṇvan |
āprā dyāvāpṛthivī antarikṣaṁ vi sūryo raśmibhiś cekitānaḥ ||

āvahanty aruṇīr jyotiṣāgān mahī citrā raśmibhiś cekitānā |
prabodhayantī suvitāya devy u1ṣā īyate suyujā rathena ||

ā vāṁ vahiṣṭhā iha te vahantu rathā aśvāsa uṣaso vyuṣṭau |
ime hi vām madhupeyāya somā asmin yajñe vṛṣaṇā mādayethām ||

anāyato anibaddhaḥ kathāyaṁ nyaṅṅ uttāno 'va padyate na |
kayā yāti svadhayā ko dadarśa divaḥ skambhaḥ samṛtaḥ pāti nākam ||