ઋગ્વેદ · અધ્યાય 4.010

અગ્ને તમ્ અદ્યાશ્વં ન સ્તોમૈઃ ક્રતું ન ભદ્રં હૃદિસ્પૃશમ્ ।
ઋધ્યામા ત ઓહૈઃ ॥

અધા હ્ય્ અગ્ને ક્રતોર્ ભદ્રસ્ય દક્ષસ્ય સાધોઃ ।
રથીર્ ઋતસ્ય બૃહતો બભૂથ ॥

એભિર્ નો અર્કૈર્ ભવા નો અર્વાઙ્ સ્વ1ર્ ણ જ્યોતિઃ ।
અગ્ને વિશ્વેભિઃ સુમના અનીકૈઃ ॥

આભિષ્ ટે અદ્ય ગીર્ભિર્ ગૃણન્તો ઽગ્ને દાશેમ ।
પ્ર તે દિવો ન સ્તનયન્તિ શુષ્માઃ ॥

તવ સ્વાદિષ્ઠાગ્ને સંદૃષ્ટિર્ ઇદા ચિદ્ અહ્ન ઇદા ચિદ્ અક્તોઃ ।
શ્રિયે રુક્મો ન રોચત ઉપાકે ॥

ઘૃતં ન પૂતં તનૂર્ અરેપાઃ શુચિ હિરણ્યમ્ ।
તત્ તે રુક્મો ન રોચત સ્વધાવઃ ॥

કૃતં ચિદ્ ધિ ષ્મા સનેમિ દ્વેષો ઽગ્ન ઇનોષિ મર્તાત્ ।
ઇત્થા યજમાનાદ્ ઋતાવઃ ॥

શિવા નઃ સખ્યા સન્તુ ભ્રાત્રાગ્ને દેવેષુ યુષ્મે ।
સા નો નાભિઃ સદને સસ્મિન્ન્ ઊધન્ ॥