ઋગ્વેદ · અધ્યાય 4.009

અગ્ને મૃળ મહાઁ અસિ ય ઈમ્ આ દેવયું જનમ્ ।
ઇયેથ બર્હિર્ આસદમ્ ॥

સ માનુષીષુ દૂળભો વિક્ષુ પ્રાવીર્ અમર્ત્યઃ ।
દૂતો વિશ્વેષામ્ ભુવત્ ॥

સ સદ્મ પરિ ણીયતે હોતા મન્દ્રો દિવિષ્ટિષુ ।
ઉત પોતા નિ ષીદતિ ॥

ઉત ગ્ના અગ્નિર્ અધ્વર ઉતો ગૃહપતિર્ દમે ।
ઉત બ્રહ્મા નિ ષીદતિ ॥

વેષિ હ્ય્ અધ્વરીયતામ્ ઉપવક્તા જનાનામ્ ।
હવ્યા ચ માનુષાણામ્ ॥

વેષીદ્ વ્ અસ્ય દૂત્ય1ં યસ્ય જુજોષો અધ્વરમ્ ।
હવ્યમ્ મર્તસ્ય વોળ્હવે ॥

અસ્માકં જોષ્ય્ અધ્વરમ્ અસ્માકં યજ્ઞમ્ અઙ્ગિરઃ ।
અસ્માકં શૃણુધી હવમ્ ॥

પરિ તે દૂળભો રથો ઽસ્માઁ અશ્નોતુ વિશ્વતઃ ।
યેન રક્ષસિ દાશુષઃ ॥