ઋગ્વેદ · અધ્યાય 4.005

વૈશ્વાનરાય મીળ્હુષે સજોષાઃ કથા દાશેમાગ્નયે બૃહદ્ ભાઃ ।
અનૂનેન બૃહતા વક્ષથેનોપ સ્તભાયદ્ ઉપમિન્ ન રોધઃ ॥

મા નિન્દત ય ઇમામ્ મહ્યં રાતિં દેવો દદૌ મર્ત્યાય સ્વધાવાન્ ।
પાકાય ગૃત્સો અમૃતો વિચેતા વૈશ્વાનરો નૃતમો યહ્વો અગ્નિઃ ॥

સામ દ્વિબર્હા મહિ તિગ્મભૃષ્ટિઃ સહસ્રરેતા વૃષભસ્ તુવિષ્માન્ ।
પદં ન ગોર્ અપગૂળ્હં વિવિદ્વાન્ અગ્નિર્ મહ્યમ્ પ્રેદ્ ઉ વોચન્ મનીષામ્ ॥

પ્ર તાઁ અગ્નિર્ બભસત્ તિગ્મજમ્ભસ્ તપિષ્ઠેન શોચિષા યઃ સુરાધાઃ ।
પ્ર યે મિનન્તિ વરુણસ્ય ધામ પ્રિયા મિત્રસ્ય ચેતતો ધ્રુવાણિ ॥

અભ્રાતરો ન યોષણો વ્યન્તઃ પતિરિપો ન જનયો દુરેવાઃ ।
પાપાસઃ સન્તો અનૃતા અસત્યા ઇદમ્ પદમ્ અજનતા ગભીરમ્ ॥

ઇદમ્ મે અગ્ને કિયતે પાવકામિનતે ગુરુમ્ ભારં ન મન્મ ।
બૃહદ્ દધાથ ધૃષતા ગભીરં યહ્વમ્ પૃષ્ઠમ્ પ્રયસા સપ્તધાતુ ॥

તમ્ ઇન્ ન્વ્ એ3વ સમના સમાનમ્ અભિ ક્રત્વા પુનતી ધીતિર્ અશ્યાઃ ।
સસસ્ય ચર્મન્ન્ અધિ ચારુ પૃશ્નેર્ અગ્રે રુપ આરુપિતં જબારુ ॥

પ્રવાચ્યં વચસઃ કિમ્ મે અસ્ય ગુહા હિતમ્ ઉપ નિણિગ્ વદન્તિ ।
યદ્ ઉસ્રિયાણામ્ અપ વાર્ ઇવ વ્રન્ પાતિ પ્રિયં રુપો અગ્રમ્ પદં વેઃ ॥

ઇદમ્ ઉ ત્યન્ મહિ મહામ્ અનીકં યદ્ ઉસ્રિયા સચત પૂર્વ્યં ગૌઃ ।
ઋતસ્ય પદે અધિ દીદ્યાનં ગુહા રઘુષ્યદ્ રઘુયદ્ વિવેદ ॥

અધ દ્યુતાનઃ પિત્રોઃ સચાસામનુત ગુહ્યં ચારુ પૃશ્નેઃ ।
માતુષ્ પદે પરમે અન્તિ ષદ્ ગોર્ વૃષ્ણઃ શોચિષઃ પ્રયતસ્ય જિહ્વા ॥

ઋતં વોચે નમસા પૃચ્છ્યમાનસ્ તવાશસા જાતવેદો યદીદમ્ ।
ત્વમ્ અસ્ય ક્ષયસિ યદ્ ધ વિશ્વં દિવિ યદ્ ઉ દ્રવિણં યત્ પૃથિવ્યામ્ ॥

કિં નો અસ્ય દ્રવિણં કદ્ ધ રત્નં વિ નો વોચો જાતવેદશ્ ચિકિત્વાન્ ।
ગુહાધ્વનઃ પરમં યન્ નો અસ્ય રેકુ પદં ન નિદાના અગન્મ ॥

કા મર્યાદા વયુના કદ્ ધ વામમ્ અચ્છા ગમેમ રઘવો ન વાજમ્ ।
કદા નો દેવીર્ અમૃતસ્ય પત્નીઃ સૂરો વર્ણેન તતનન્ન્ ઉષાસઃ ॥

અનિરેણ વચસા ફલ્ગ્વેન પ્રતીત્યેન કૃધુનાતૃપાસઃ ।
અધા તે અગ્ને કિમ્ ઇહા વદન્ત્ય્ અનાયુધાસ આસતા સચન્તામ્ ॥

અસ્ય શ્રિયે સમિધાનસ્ય વૃષ્ણો વસોર્ અનીકં દમ આ રુરોચ ।
રુશદ્ વસાનઃ સુદૃશીકરૂપઃ ક્ષિતિર્ ન રાયા પુરુવારો અદ્યૌત્ ॥