ઋગ્વેદ · અધ્યાય 3.062

ઇમા ઉ વામ્ ભૃમયો મન્યમાના યુવાવતે ન તુજ્યા અભૂવન્ ।
ક્વ1 ત્યદ્ ઇન્દ્રાવરુણા યશો વાં યેન સ્મા સિનમ્ ભરથઃ સખિભ્યઃ ॥

અયમ્ ઉ વામ્ પુરુતમો રયીયઞ્ છશ્વત્તમમ્ અવસે જોહવીતિ ।
સજોષાવ્ ઇન્દ્રાવરુણા મરુદ્ભિર્ દિવા પૃથિવ્યા શૃણુતં હવમ્ મે ॥

અસ્મે તદ્ ઇન્દ્રાવરુણા વસુ ષ્યાદ્ અસ્મે રયિર્ મરુતઃ સર્વવીરઃ ।
અસ્માન્ વરૂત્રીઃ શરણૈર્ અવન્ત્વ્ અસ્માન્ હોત્રા ભારતી દક્ષિણાભિઃ ॥

બૃહસ્પતે જુષસ્વ નો હવ્યાનિ વિશ્વદેવ્ય ।
રાસ્વ રત્નાનિ દાશુષે ॥

શુચિમ્ અર્કૈર્ બૃહસ્પતિમ્ અધ્વરેષુ નમસ્યત ।
અનામ્ય્ ઓજ આ ચકે ॥

વૃષભં ચર્ષણીનાં વિશ્વરૂપમ્ અદાભ્યમ્ ।
બૃહસ્પતિં વરેણ્યમ્ ॥

ઇયં તે પૂષન્ન્ આઘૃણે સુષ્ટુતિર્ દેવ નવ્યસી ।
અસ્માભિસ્ તુભ્યં શસ્યતે ॥

તાં જુષસ્વ ગિરમ્ મમ વાજયન્તીમ્ અવા ધિયમ્ ।
વધૂયુર્ ઇવ યોષણામ્ ॥

યો વિશ્વાભિ વિપશ્યતિ ભુવના સં ચ પશ્યતિ ।
સ નઃ પૂષાવિતા ભુવત્ ॥

તત્ સવિતુર્ વરેણ્યમ્ ભર્ગો દેવસ્ય ધીમહિ ।
ધિયો યો નઃ પ્રચોદયાત્ ॥

દેવસ્ય સવિતુર્ વયં વાજયન્તઃ પુરંધ્યા ।
ભગસ્ય રાતિમ્ ઈમહે ॥

દેવં નરઃ સવિતારં વિપ્રા યજ્ઞૈઃ સુવૃક્તિભિઃ ।
નમસ્યન્તિ ધિયેષિતાઃ ॥

સોમો જિગાતિ ગાતુવિદ્ દેવાનામ્ એતિ નિષ્કૃતમ્ ।
ઋતસ્ય યોનિમ્ આસદમ્ ॥

સોમો અસ્મભ્યં દ્વિપદે ચતુષ્પદે ચ પશવે ।
અનમીવા ઇષસ્ કરત્ ॥

અસ્માકમ્ આયુર્ વર્ધયન્ન્ અભિમાતીઃ સહમાનઃ ।
સોમઃ સધસ્થમ્ આસદત્ ॥

આ નો મિત્રાવરુણા ઘૃતૈર્ ગવ્યૂતિમ્ ઉક્ષતમ્ ।
મધ્વા રજાંસિ સુક્રતૂ ॥

ઉરુશંસા નમોવૃધા મહ્ના દક્ષસ્ય રાજથઃ ।
દ્રાઘિષ્ઠાભિઃ શુચિવ્રતા ॥

ગૃણાના જમદગ્નિના યોનાવ્ ઋતસ્ય સીદતમ્ ।
પાતં સોમમ્ ઋતાવૃધા ॥