ઋગ્વેદ · અધ્યાય 3.054

ઇમમ્ મહે વિદથ્યાય શૂષં શશ્વત્ કૃત્વ ઈડ્યાય પ્ર જભ્રુઃ ।
શૃણોતુ નો દમ્યેભિર્ અનીકૈઃ શૃણોત્વ્ અગ્નિર્ દિવ્યૈર્ અજસ્રઃ ॥

મહિ મહે દિવે અર્ચા પૃથિવ્યૈ કામો મ ઇચ્છઞ્ ચરતિ પ્રજાનન્ ।
યયોર્ હ સ્તોમે વિદથેષુ દેવાઃ સપર્યવો માદયન્તે સચાયોઃ ॥

યુવોર્ ઋતં રોદસી સત્યમ્ અસ્તુ મહે ષુ ણઃ સુવિતાય પ્ર ભૂતમ્ ।
ઇદં દિવે નમો અગ્ને પૃથિવ્યૈ સપર્યામિ પ્રયસા યામિ રત્નમ્ ॥

ઉતો હિ વામ્ પૂર્વ્યા આવિવિદ્ર ઋતાવરી રોદસી સત્યવાચઃ ।
નરશ્ ચિદ્ વાં સમિથે શૂરસાતૌ વવન્દિરે પૃથિવિ વેવિદાનાઃ ॥

કો અદ્ધા વેદ ક ઇહ પ્ર વોચદ્ દેવાઁ અચ્છા પથ્યા3 કા સમ્ એતિ ।
દદૃશ્ર એષામ્ અવમા સદાંસિ પરેષુ યા ગુહ્યેષુ વ્રતેષુ ॥

કવિર્ નૃચક્ષા અભિ ષીમ્ અચષ્ટ ઋતસ્ય યોના વિઘૃતે મદન્તી ।
નાના ચક્રાતે સદનં યથા વેઃ સમાનેન ક્રતુના સંવિદાને ॥

સમાન્યા વિયુતે દૂરેઅન્તે ધ્રુવે પદે તસ્થતુર્ જાગરૂકે ।
ઉત સ્વસારા યુવતી ભવન્તી આદ્ ઉ બ્રુવાતે મિથુનાનિ નામ ॥

વિશ્વેદ્ એતે જનિમા સં વિવિક્તો મહો દેવાન્ બિભ્રતી ન વ્યથેતે ।
એજદ્ ધ્રુવમ્ પત્યતે વિશ્વમ્ એકં ચરત્ પતત્રિ વિષુણં વિ જાતમ્ ॥

સના પુરાણમ્ અધ્ય્ એમ્ય્ આરાન્ મહઃ પિતુર્ જનિતુર્ જામિ તન્ નઃ ।
દેવાસો યત્ર પનિતાર એવૈર્ ઉરૌ પથિ વ્યુતે તસ્થુર્ અન્તઃ ॥

ઇમં સ્તોમં રોદસી પ્ર બ્રવીમ્ય્ ઋદૂદરાઃ શૃણવન્ન્ અગ્નિજિહ્વાઃ ।
મિત્રઃ સમ્રાજો વરુણો યુવાન આદિત્યાસઃ કવયઃ પપ્રથાનાઃ ॥

હિરણ્યપાણિઃ સવિતા સુજિહ્વસ્ ત્રિર્ આ દિવો વિદથે પત્યમાનઃ ।
દેવેષુ ચ સવિતઃ શ્લોકમ્ અશ્રેર્ આદ્ અસ્મભ્યમ્ આ સુવ સર્વતાતિમ્ ॥

સુકૃત્ સુપાણિઃ સ્વવાઁ ઋતાવા દેવસ્ ત્વષ્ટાવસે તાનિ નો ધાત્ ।
પૂષણ્વન્ત ઋભવો માદયધ્વમ્ ઊર્ધ્વગ્રાવાણો અધ્વરમ્ અતષ્ટ ॥

વિદ્યુદ્રથા મરુત ઋષ્ટિમન્તો દિવો મર્યા ઋતજાતા અયાસઃ ।
સરસ્વતી શૃણવન્ યજ્ઞિયાસો ધાતા રયિં સહવીરં તુરાસઃ ॥

વિષ્ણું સ્તોમાસઃ પુરુદસ્મમ્ અર્કા ભગસ્યેવ કારિણો યામનિ ગ્મન્ ।
ઉરુક્રમઃ કકુહો યસ્ય પૂર્વીર્ ન મર્ધન્તિ યુવતયો જનિત્રીઃ ॥

ઇન્દ્રો વિશ્વૈર્ વીર્યૈ3ઃ પત્યમાન ઉભે આ પપ્રૌ રોદસી મહિત્વા ।
પુરંદરો વૃત્રહા ધૃષ્ણુષેણઃ સંગૃભ્યા ન આ ભરા ભૂરિ પશ્વઃ ॥

નાસત્યા મે પિતરા બન્ધુપૃચ્છા સજાત્યમ્ અશ્વિનોશ્ ચારુ નામ ।
યુવં હિ સ્થો રયિદૌ નો રયીણાં દાત્રં રક્ષેથે અકવૈર્ અદબ્ધા ॥

મહત્ તદ્ વઃ કવયશ્ ચારુ નામ યદ્ ધ દેવા ભવથ વિશ્વ ઇન્દ્રે ।
સખ ઋભુભિઃ પુરુહૂત પ્રિયેભિર્ ઇમાં ધિયં સાતયે તક્ષતા નઃ ॥

અર્યમા ણો અદિતિર્ યજ્ઞિયાસો ઽદબ્ધાનિ વરુણસ્ય વ્રતાનિ ।
યુયોત નો અનપત્યાનિ ગન્તોઃ પ્રજાવાન્ નઃ પશુમાઁ અસ્તુ ગાતુઃ ॥

દેવાનાં દૂતઃ પુરુધ પ્રસૂતો ઽનાગાન્ નો વોચતુ સર્વતાતા ।
શૃણોતુ નઃ પૃથિવી દ્યૌર્ ઉતાપઃ સૂર્યો નક્ષત્રૈર્ ઉર્વ્ અ1ન્તરિક્ષમ્ ॥

શૃણ્વન્તુ નો વૃષણઃ પર્વતાસો ધ્રુવક્ષેમાસ ઇળયા મદન્તઃ ।
આદિત્યૈર્ નો અદિતિઃ શૃણોતુ યચ્છન્તુ નો મરુતઃ શર્મ ભદ્રમ્ ॥

સદા સુગઃ પિતુમાઁ અસ્તુ પન્થા મધ્વા દેવા ઓષધીઃ સમ્ પિપૃક્ત ।
ભગો મે અગ્ને સખ્યે ન મૃધ્યા ઉદ્ રાયો અશ્યાં સદનમ્ પુરુક્ષોઃ ॥

સ્વદસ્વ હવ્યા સમ્ ઇષો દિદીહ્ય્ અસ્મદ્ર્ય1ક્ સમ્ મિમીહિ શ્રવાંસિ ।
વિશ્વાઁ અગ્ને પૃત્સુ તાઞ્ જેષિ શત્રૂન્ અહા વિશ્વા સુમના દીદિહી નઃ ॥