ઋગ્વેદ · અધ્યાય 3.053

ઇન્દ્રાપર્વતા બૃહતા રથેન વામીર્ ઇષ આ વહતં સુવીરાઃ ।
વીતં હવ્યાન્ય્ અધ્વરેષુ દેવા વર્ધેથાં ગીર્ભિર્ ઇળયા મદન્તા ॥

તિષ્ઠા સુ કમ્ મઘવન્ મા પરા ગાઃ સોમસ્ય નુ ત્વા સુષુતસ્ય યક્ષિ ।
પિતુર્ ન પુત્રઃ સિચમ્ આ રભે ત ઇન્દ્ર સ્વાદિષ્ઠયા ગિરા શચીવઃ ॥

શંસાવાધ્વર્યો પ્રતિ મે ગૃણીહીન્દ્રાય વાહઃ કૃણવાવ જુષ્ટમ્ ।
એદમ્ બર્હિર્ યજમાનસ્ય સીદાથા ચ ભૂદ્ ઉક્થમ્ ઇન્દ્રાય શસ્તમ્ ॥

જાયેદ્ અસ્તમ્ મઘવન્ સેદ્ ઉ યોનિસ્ તદ્ ઇત્ ત્વા યુક્તા હરયો વહન્તુ ।
યદા કદા ચ સુનવામ સોમમ્ અગ્નિષ્ ટ્વા દૂતો ધન્વાત્ય્ અચ્છ ॥

પરા યાહિ મઘવન્ન્ આ ચ યાહીન્દ્ર ભ્રાતર્ ઉભયત્રા તે અર્થમ્ ।
યત્રા રથસ્ય બૃહતો નિધાનં વિમોચનં વાજિનો રાસભસ્ય ॥

અપાઃ સોમમ્ અસ્તમ્ ઇન્દ્ર પ્ર યાહિ કલ્યાણીર્ જાયા સુરણં ગૃહે તે ।
યત્રા રથસ્ય બૃહતો નિધાનં વિમોચનં વાજિનો દક્ષિણાવત્ ॥

ઇમે ભોજા અઙ્ગિરસો વિરૂપા દિવસ્ પુત્રાસો અસુરસ્ય વીરાઃ ।
વિશ્વામિત્રાય દદતો મઘાનિ સહસ્રસાવે પ્ર તિરન્ત આયુઃ ॥

રૂપં-રૂપમ્ મઘવા બોભવીતિ માયાઃ કૃણ્વાનસ્ તન્વ1મ્ પરિ સ્વામ્ ।
ત્રિર્ યદ્ દિવઃ પરિ મુહૂર્તમ્ આગાત્ સ્વૈર્ મન્ત્રૈર્ અનૃતુપા ઋતાવા ॥

મહાઁ ઋષિર્ દેવજા દેવજૂતો ઽસ્તભ્નાત્ સિન્ધુમ્ અર્ણવં નૃચક્ષાઃ ।
વિશ્વામિત્રો યદ્ અવહત્ સુદાસમ્ અપ્રિયાયત કુશિકેભિર્ ઇન્દ્રઃ ॥

હંસા ઇવ કૃણુથ શ્લોકમ્ અદ્રિભિર્ મદન્તો ગીર્ભિર્ અધ્વરે સુતે સચા ।
દેવેભિર્ વિપ્રા ઋષયો નૃચક્ષસો વિ પિબધ્વં કુશિકાઃ સોમ્યમ્ મધુ ॥

ઉપ પ્રેત કુશિકાશ્ ચેતયધ્વમ્ અશ્વં રાયે પ્ર મુઞ્ચતા સુદાસઃ ।
રાજા વૃત્રં જઙ્ઘનત્ પ્રાગ્ અપાગ્ ઉદગ્ અથા યજાતે વર આ પૃથિવ્યાઃ ॥

ય ઇમે રોદસી ઉભે અહમ્ ઇન્દ્રમ્ અતુષ્ટવમ્ ।
વિશ્વામિત્રસ્ય રક્ષતિ બ્રહ્મેદમ્ ભારતં જનમ્ ॥

વિશ્વામિત્રા અરાસત બ્રહ્મેન્દ્રાય વજ્રિણે ।
કરદ્ ઇન્ નઃ સુરાધસઃ ॥

કિં તે કૃણ્વન્તિ કીકટેષુ ગાવો નાશિરં દુહ્રે ન તપન્તિ ઘર્મમ્ ।
આ નો ભર પ્રમગન્દસ્ય વેદો નૈચાશાખમ્ મઘવન્ રન્ધયા નઃ ॥

સસર્પરીર્ અમતિમ્ બાધમાના બૃહન્ મિમાય જમદગ્નિદત્તા ।
આ સૂર્યસ્ય દુહિતા તતાન શ્રવો દેવેષ્વ્ અમૃતમ્ અજુર્યમ્ ॥

સસર્પરીર્ અભરત્ તૂયમ્ એભ્યો ઽધિ શ્રવઃ પાઞ્ચજન્યાસુ કૃષ્ટિષુ ।
સા પક્ષ્યા3 નવ્યમ્ આયુર્ દધાના યામ્ મે પલસ્તિજમદગ્નયો દદુઃ ॥

સ્થિરૌ ગાવૌ ભવતાં વીળુર્ અક્ષો મેષા વિ વર્હિ મા યુગં વિ શારિ ।
ઇન્દ્રઃ પાતલ્યે દદતાં શરીતોર્ અરિષ્ટનેમે અભિ નઃ સચસ્વ ॥

બલં ધેહિ તનૂષુ નો બલમ્ ઇન્દ્રાનળુત્સુ નઃ ।
બલં તોકાય તનયાય જીવસે ત્વં હિ બલદા અસિ ॥

અભિ વ્યયસ્વ ખદિરસ્ય સારમ્ ઓજો ધેહિ સ્પન્દને શિંશપાયામ્ ।
અક્ષ વીળો વીળિત વીળયસ્વ મા યામાદ્ અસ્માદ્ અવ જીહિપો નઃ ॥

અયમ્ અસ્માન્ વનસ્પતિર્ મા ચ હા મા ચ રીરિષત્ ।
સ્વસ્ત્ય્ આ ગૃહેભ્ય આવસા આ વિમોચનાત્ ॥

ઇન્દ્રોતિભિર્ બહુલાભિર્ નો અદ્ય યાચ્છ્રેષ્ઠાભિર્ મઘવઞ્ છૂર જિન્વ ।
યો નો દ્વેષ્ટ્ય્ અધરઃ સસ્ પદીષ્ટ યમ્ ઉ દ્વિષ્મસ્ તમ્ ઉ પ્રાણો જહાતુ ॥

પરશું ચિદ્ વિ તપતિ શિમ્બલં ચિદ્ વિ વૃશ્ચતિ ।
ઉખા ચિદ્ ઇન્દ્ર યેષન્તી પ્રયસ્તા ફેનમ્ અસ્યતિ ॥

ન સાયકસ્ય ચિકિતે જનાસો લોધં નયન્તિ પશુ મન્યમાનાઃ ।
નાવાજિનં વાજિના હાસયન્તિ ન ગર્દભમ્ પુરો અશ્વાન્ નયન્તિ ॥

ઇમ ઇન્દ્ર ભરતસ્ય પુત્રા અપપિત્વં ચિકિતુર્ ન પ્રપિત્વમ્ ।
હિન્વન્ત્ય્ અશ્વમ્ અરણં ન નિત્યં જ્યાવાજમ્ પરિ ણયન્ત્ય્ આજૌ ॥