ઋગ્વેદ · અધ્યાય 3.052

ધાનાવન્તં કરમ્ભિણમ્ અપૂપવન્તમ્ ઉક્થિનમ્ ।
ઇન્દ્ર પ્રાતર્ જુષસ્વ નઃ ॥

પુરોળાશમ્ પચત્યં જુષસ્વેન્દ્રા ગુરસ્વ ચ ।
તુભ્યં હવ્યાનિ સિસ્રતે ॥

પુરોળાશં ચ નો ઘસો જોષયાસે ગિરશ્ ચ નઃ ।
વધૂયુર્ ઇવ યોષણામ્ ॥

પુરોળાશં સનશ્રુત પ્રાતઃસાવે જુષસ્વ નઃ ।
ઇન્દ્ર ક્રતુર્ હિ તે બૃહન્ ॥

માધ્યંદિનસ્ય સવનસ્ય ધાનાઃ પુરોળાશમ્ ઇન્દ્ર કૃષ્વેહ ચારુમ્ ।
પ્ર યત્ સ્તોતા જરિતા તૂર્ણ્યર્થો વૃષાયમાણ ઉપ ગીર્ભિર્ ઈટ્ટે ॥

તૃતીયે ધાનાઃ સવને પુરુષ્ટુત પુરોળાશમ્ આહુતમ્ મામહસ્વ નઃ ।
ઋભુમન્તં વાજવન્તં ત્વા કવે પ્રયસ્વન્ત ઉપ શિક્ષેમ ધીતિભિઃ ॥

પૂષણ્વતે તે ચકૃમા કરમ્ભં હરિવતે હર્યશ્વાય ધાનાઃ ।
અપૂપમ્ અદ્ધિ સગણો મરુદ્ભિઃ સોમમ્ પિબ વૃત્રહા શૂર વિદ્વાન્ ॥

પ્રતિ ધાના ભરત તૂયમ્ અસ્મૈ પુરોળાશં વીરતમાય નૃણામ્ ।
દિવે-દિવે સદૃશીર્ ઇન્દ્ર તુભ્યં વર્ધન્તુ ત્વા સોમપેયાય ધૃષ્ણો ॥