ઋગ્વેદ · અધ્યાય 3.051

ચર્ષણીધૃતમ્ મઘવાનમ્ ઉક્થ્ય1મ્ ઇન્દ્રં ગિરો બૃહતીર્ અભ્ય્ અનૂષત ।
વાવૃધાનમ્ પુરુહૂતં સુવૃક્તિભિર્ અમર્ત્યં જરમાણં દિવે-દિવે ॥

શતક્રતુમ્ અર્ણવં શાકિનં નરં ગિરો મ ઇન્દ્રમ્ ઉપ યન્તિ વિશ્વતઃ ।
વાજસનિમ્ પૂર્ભિદં તૂર્ણિમ્ અપ્તુરં ધામસાચમ્ અભિષાચં સ્વર્વિદમ્ ॥

આકરે વસોર્ જરિતા પનસ્યતે ઽનેહસઃ સ્તુભ ઇન્દ્રો દુવસ્યતિ ।
વિવસ્વતઃ સદન આ હિ પિપ્રિયે સત્રાસાહમ્ અભિમાતિહનં સ્તુહિ ॥

નૃણામ્ ઉ ત્વા નૃતમં ગીર્ભિર્ ઉક્થૈર્ અભિ પ્ર વીરમ્ અર્ચતા સબાધઃ ।
સં સહસે પુરુમાયો જિહીતે નમો અસ્ય પ્રદિવ એક ઈશે ॥

પૂર્વીર્ અસ્ય નિષ્ષિધો મર્ત્યેષુ પુરૂ વસૂનિ પૃથિવી બિભર્તિ ।
ઇન્દ્રાય દ્યાવ ઓષધીર્ ઉતાપો રયિં રક્ષન્તિ જીરયો વનાનિ ॥

તુભ્યમ્ બ્રહ્માણિ ગિર ઇન્દ્ર તુભ્યં સત્રા દધિરે હરિવો જુષસ્વ ।
બોધ્ય્ આ3પિર્ અવસો નૂતનસ્ય સખે વસો જરિતૃભ્યો વયો ધાઃ ॥

ઇન્દ્ર મરુત્વ ઇહ પાહિ સોમં યથા શાર્યાતે અપિબઃ સુતસ્ય ।
તવ પ્રણીતી તવ શૂર શર્મન્ન્ આ વિવાસન્તિ કવયઃ સુયજ્ઞાઃ ॥

સ વાવશાન ઇહ પાહિ સોમમ્ મરુદ્ભિર્ ઇન્દ્ર સખિભિઃ સુતં નઃ ।
જાતં યત્ ત્વા પરિ દેવા અભૂષન્ મહે ભરાય પુરુહૂત વિશ્વે ॥

અપ્તૂર્યે મરુત આપિર્ એષો ઽમન્દન્ન્ ઇન્દ્રમ્ અનુ દાતિવારાઃ ।
તેભિઃ સાકમ્ પિબતુ વૃત્રખાદઃ સુતં સોમં દાશુષઃ સ્વે સધસ્થે ॥

ઇદં હ્ય્ અન્વ્ ઓજસા સુતં રાધાનામ્ પતે ।
પિબા ત્વ્ અ1સ્ય ગિર્વણઃ ॥

યસ્ તે અનુ સ્વધામ્ અસત્ સુતે નિ યચ્છ તન્વમ્ ।
સ ત્વા મમત્તુ સોમ્યમ્ ॥

પ્ર તે અશ્નોતુ કુક્ષ્યોઃ પ્રેન્દ્ર બ્રહ્મણા શિરઃ ।
પ્ર બાહૂ શૂર રાધસે ॥