ઋગ્વેદ · અધ્યાય 3.043

આ યાહ્ય્ અર્વાઙ્ ઉપ વન્ધુરેષ્ઠાસ્ તવેદ્ અનુ પ્રદિવઃ સોમપેયમ્ ।
પ્રિયા સખાયા વિ મુચોપ બર્હિસ્ ત્વામ્ ઇમે હવ્યવાહો હવન્તે ॥

આ યાહિ પૂર્વીર્ અતિ ચર્ષણીર્ આઁ અર્ય આશિષ ઉપ નો હરિભ્યામ્ ।
ઇમા હિ ત્વા મતયઃ સ્તોમતષ્ટા ઇન્દ્ર હવન્તે સખ્યં જુષાણાઃ ॥

આ નો યજ્ઞં નમોવૃધં સજોષા ઇન્દ્ર દેવ હરિભિર્ યાહિ તૂયમ્ ।
અહં હિ ત્વા મતિભિર્ જોહવીમિ ઘૃતપ્રયાઃ સધમાદે મધૂનામ્ ॥

આ ચ ત્વામ્ એતા વૃષણા વહાતો હરી સખાયા સુધુરા સ્વઙ્ગા ।
ધાનાવદ્ ઇન્દ્રઃ સવનં જુષાણઃ સખા સખ્યુઃ શૃણવદ્ વન્દનાનિ ॥

કુવિન્ મા ગોપાં કરસે જનસ્ય કુવિદ્ રાજાનમ્ મઘવન્ન્ ઋજીષિન્ ।
કુવિન્ મ ઋષિમ્ પપિવાંસં સુતસ્ય કુવિન્ મે વસ્વો અમૃતસ્ય શિક્ષાઃ ॥

આ ત્વા બૃહન્તો હરયો યુજાના અર્વાગ્ ઇન્દ્ર સધમાદો વહન્તુ ।
પ્ર યે દ્વિતા દિવ ઋઞ્જન્ત્ય્ આતાઃ સુસમ્મૃષ્ટાસો વૃષભસ્ય મૂરાઃ ॥

ઇન્દ્ર પિબ વૃષધૂતસ્ય વૃષ્ણ આ યં તે શ્યેન ઉશતે જભાર ।
યસ્ય મદે ચ્યાવયસિ પ્ર કૃષ્ટીર્ યસ્ય મદે અપ ગોત્રા વવર્થ ॥

શુનં હુવેમ મઘવાનમ્ ઇન્દ્રમ્ અસ્મિન્ ભરે નૃતમં વાજસાતૌ ।
શૃણ્વન્તમ્ ઉગ્રમ્ ઊતયે સમત્સુ ઘ્નન્તં વૃત્રાણિ સંજિતં ધનાનામ્ ॥