ઋગ્વેદ · અધ્યાય 3.042

ઉપ નઃ સુતમ્ આ ગહિ સોમમ્ ઇન્દ્ર ગવાશિરમ્ ।
હરિભ્યાં યસ્ તે અસ્મયુઃ ॥

તમ્ ઇન્દ્ર મદમ્ આ ગહિ બર્હિઃષ્ઠાં ગ્રાવભિઃ સુતમ્ ।
કુવિન્ ન્વ્ અસ્ય તૃપ્ણવઃ ॥

ઇન્દ્રમ્ ઇત્થા ગિરો મમાચ્છાગુર્ ઇષિતા ઇતઃ ।
આવૃતે સોમપીતયે ॥

ઇન્દ્રં સોમસ્ય પીતયે સ્તોમૈર્ ઇહ હવામહે ।
ઉક્થેભિઃ કુવિદ્ આગમત્ ॥

ઇન્દ્ર સોમાઃ સુતા ઇમે તાન્ દધિષ્વ શતક્રતો ।
જઠરે વાજિનીવસો ॥

વિદ્મા હિ ત્વા ધનંજયં વાજેષુ દધૃષં કવે ।
અધા તે સુમ્નમ્ ઈમહે ॥

ઇમમ્ ઇન્દ્ર ગવાશિરં યવાશિરં ચ નઃ પિબ ।
આગત્યા વૃષભિઃ સુતમ્ ॥

તુભ્યેદ્ ઇન્દ્ર સ્વ ઓક્યે3 સોમં ચોદામિ પીતયે ।
એષ રારન્તુ તે હૃદિ ॥

ત્વાં સુતસ્ય પીતયે પ્રત્નમ્ ઇન્દ્ર હવામહે ।
કુશિકાસો અવસ્યવઃ ॥