ઋગ્વેદ · અધ્યાય 3.040

ઇન્દ્ર ત્વા વૃષભં વયં સુતે સોમે હવામહે ।
સ પાહિ મધ્વો અન્ધસઃ ॥

ઇન્દ્ર ક્રતુવિદં સુતં સોમં હર્ય પુરુષ્ટુત ।
પિબા વૃષસ્વ તાતૃપિમ્ ॥

ઇન્દ્ર પ્ર ણો ધિતાવાનં યજ્ઞં વિશ્વેભિર્ દેવેભિઃ ।
તિર સ્તવાન વિશ્પતે ॥

ઇન્દ્ર સોમાઃ સુતા ઇમે તવ પ્ર યન્તિ સત્પતે ।
ક્ષયં ચન્દ્રાસ ઇન્દવઃ ॥

દધિષ્વા જઠરે સુતં સોમમ્ ઇન્દ્ર વરેણ્યમ્ ।
તવ દ્યુક્ષાસ ઇન્દવઃ ॥

ગિર્વણઃ પાહિ નઃ સુતમ્ મધોર્ ધારાભિર્ અજ્યસે ।
ઇન્દ્ર ત્વાદાતમ્ ઇદ્ યશઃ ॥

અભિ દ્યુમ્નાનિ વનિન ઇન્દ્રં સચન્તે અક્ષિતા ।
પીત્વી સોમસ્ય વાવૃધે ॥

અર્વાવતો ન આ ગહિ પરાવતશ્ ચ વૃત્રહન્ ।
ઇમા જુષસ્વ નો ગિરઃ ॥

યદ્ અન્તરા પરાવતમ્ અર્વાવતં ચ હૂયસે ।
ઇન્દ્રેહ તત આ ગહિ ॥