ઋગ્વેદ · અધ્યાય 3.039

ઇન્દ્રમ્ મતિર્ હૃદ આ વચ્યમાનાચ્છા પતિં સ્તોમતષ્ટા જિગાતિ ।
યા જાગૃવિર્ વિદથે શસ્યમાનેન્દ્ર યત્ તે જાયતે વિદ્ધિ તસ્ય ॥

દિવશ્ ચિદ્ આ પૂર્વ્યા જાયમાના વિ જાગૃવિર્ વિદથે શસ્યમાના ।
ભદ્રા વસ્ત્રાણ્ય્ અર્જુના વસાના સેયમ્ અસ્મે સનજા પિત્ર્યા ધીઃ ॥

યમા ચિદ્ અત્ર યમસૂર્ અસૂત જિહ્વાયા અગ્રમ્ પતદ્ આ હ્ય્ અસ્થાત્ ।
વપૂંષિ જાતા મિથુના સચેતે તમોહના તપુષો બુધ્ન એતા ॥

નકિર્ એષાં નિન્દિતા મર્ત્યેષુ યે અસ્માકમ્ પિતરો ગોષુ યોધાઃ ।
ઇન્દ્ર એષાં દૃંહિતા માહિનાવાન્ ઉદ્ ગોત્રાણિ સસૃજે દંસનાવાન્ ॥

સખા હ યત્ર સખિભિર્ નવગ્વૈર્ અભિજ્ઞ્વ્ આ સત્વભિર્ ગા અનુગ્મન્ ।
સત્યં તદ્ ઇન્દ્રો દશભિર્ દશગ્વૈઃ સૂર્યં વિવેદ તમસિ ક્ષિયન્તમ્ ॥

ઇન્દ્રો મધુ સમ્ભૃતમ્ ઉસ્રિયાયામ્ પદ્વદ્ વિવેદ શફવન્ નમે ગોઃ ।
ગુહા હિતં ગુહ્યં ગૂળ્હમ્ અપ્સુ હસ્તે દધે દક્ષિણે દક્ષિણાવાન્ ॥

જ્યોતિર્ વૃણીત તમસો વિજાનન્ન્ આરે સ્યામ દુરિતાદ્ અભીકે ।
ઇમા ગિરઃ સોમપાઃ સોમવૃદ્ધ જુષસ્વેન્દ્ર પુરુતમસ્ય કારોઃ ॥

જ્યોતિર્ યજ્ઞાય રોદસી અનુ ષ્યાદ્ આરે સ્યામ દુરિતસ્ય ભૂરેઃ ।
ભૂરિ ચિદ્ ધિ તુજતો મર્ત્યસ્ય સુપારાસો વસવો બર્હણાવત્ ॥

શુનં હુવેમ મઘવાનમ્ ઇન્દ્રમ્ અસ્મિન્ ભરે નૃતમં વાજસાતૌ ।
શૃણ્વન્તમ્ ઉગ્રમ્ ઊતયે સમત્સુ ઘ્નન્તં વૃત્રાણિ સંજિતં ધનાનામ્ ॥