ઋગ્વેદ · અધ્યાય 3.038

અભિ તષ્ટેવ દીધયા મનીષામ્ અત્યો ન વાજી સુધુરો જિહાનઃ ।
અભિ પ્રિયાણિ મર્મૃશત્ પરાણિ કવીઁર્ ઇચ્છામિ સંદૃશે સુમેધાઃ ॥

ઇનોત પૃચ્છ જનિમા કવીનામ્ મનોધૃતઃ સુકૃતસ્ તક્ષત દ્યામ્ ।
ઇમા ઉ તે પ્રણ્યો3 વર્ધમાના મનોવાતા અધ નુ ધર્મણિ ગ્મન્ ॥

નિ ષીમ્ ઇદ્ અત્ર ગુહ્યા દધાના ઉત ક્ષત્રાય રોદસી સમ્ અઞ્જન્ ।
સમ્ માત્રાભિર્ મમિરે યેમુર્ ઉર્વી અન્તર્ મહી સમૃતે ધાયસે ધુઃ ॥

આતિષ્ઠન્તમ્ પરિ વિશ્વે અભૂષઞ્ છ્રિયો વસાનશ્ ચરતિ સ્વરોચિઃ ।
મહત્ તદ્ વૃષ્ણો અસુરસ્ય નામા વિશ્વરૂપો અમૃતાનિ તસ્થૌ ॥

અસૂત પૂર્વો વૃષભો જ્યાયાન્ ઇમા અસ્ય શુરુધઃ સન્તિ પૂર્વીઃ ।
દિવો નપાતા વિદથસ્ય ધીભિઃ ક્ષત્રં રાજાના પ્રદિવો દધાથે ॥

ત્રીણિ રાજાના વિદથે પુરૂણિ પરિ વિશ્વાનિ ભૂષથઃ સદાંસિ ।
અપશ્યમ્ અત્ર મનસા જગન્વાન્ વ્રતે ગન્ધર્વાઁ અપિ વાયુકેશાન્ ॥

તદ્ ઇન્ ન્વ્ અસ્ય વૃષભસ્ય ધેનોર્ આ નામભિર્ મમિરે સક્મ્યં ગોઃ ।
અન્યદ્-અન્યદ્ અસુર્ય1ં વસાના નિ માયિનો મમિરે રૂપમ્ અસ્મિન્ ॥

તદ્ ઇન્ ન્વ્ અસ્ય સવિતુર્ નકિર્ મે હિરણ્યયીમ્ અમતિં યામ્ અશિશ્રેત્ ।
આ સુષ્ટુતી રોદસી વિશ્વમિન્વે અપીવ યોષા જનિમાનિ વવ્રે ॥

યુવમ્ પ્રત્નસ્ય સાધથો મહો યદ્ દૈવી સ્વસ્તિઃ પરિ ણઃ સ્યાતમ્ ।
ગોપાજિહ્વસ્ય તસ્થુષો વિરૂપા વિશ્વે પશ્યન્તિ માયિનઃ કૃતાનિ ॥

શુનં હુવેમ મઘવાનમ્ ઇન્દ્રમ્ અસ્મિન્ ભરે નૃતમં વાજસાતૌ ।
શૃણ્વન્તમ્ ઉગ્રમ્ ઊતયે સમત્સુ ઘ્નન્તં વૃત્રાણિ સંજિતં ધનાનામ્ ॥