ઋગ્વેદ · અધ્યાય 3.036

ઇમામ્ ઊ ષુ પ્રભૃતિં સાતયે ધાઃ શશ્વચ્-છશ્વદ્ ઊતિભિર્ યાદમાનઃ ।
સુતે-સુતે વાવૃધે વર્ધનેભિર્ યઃ કર્મભિર્ મહદ્ભિઃ સુશ્રુતો ભૂત્ ॥

ઇન્દ્રાય સોમાઃ પ્રદિવો વિદાના ઋભુર્ યેભિર્ વૃષપર્વા વિહાયાઃ ।
પ્રયમ્યમાનાન્ પ્રતિ ષૂ ગૃભાયેન્દ્ર પિબ વૃષધૂતસ્ય વૃષ્ણઃ ॥

પિબા વર્ધસ્વ તવ ઘા સુતાસ ઇન્દ્ર સોમાસઃ પ્રથમા ઉતેમે ।
યથાપિબઃ પૂર્વ્યાઁ ઇન્દ્ર સોમાઁ એવા પાહિ પન્યો અદ્યા નવીયાન્ ॥

મહાઁ અમત્રો વૃજને વિરપ્શ્ય્ ઉ1ગ્રં શવઃ પત્યતે ધૃષ્ણ્વ્ ઓજઃ ।
નાહ વિવ્યાચ પૃથિવી ચનૈનં યત્ સોમાસો હર્યશ્વમ્ અમન્દન્ ॥

મહાઁ ઉગ્રો વાવૃધે વીર્યાય સમાચક્રે વૃષભઃ કાવ્યેન ।
ઇન્દ્રો ભગો વાજદા અસ્ય ગાવઃ પ્ર જાયન્તે દક્ષિણા અસ્ય પૂર્વીઃ ॥

પ્ર યત્ સિન્ધવઃ પ્રસવં યથાયન્ન્ આપઃ સમુદ્રં રથ્યેવ જગ્મુઃ ।
અતશ્ ચિદ્ ઇન્દ્રઃ સદસો વરીયાન્ યદ્ ઈં સોમઃ પૃણતિ દુગ્ધો અંશુઃ ॥

સમુદ્રેણ સિન્ધવો યાદમાના ઇન્દ્રાય સોમં સુષુતમ્ ભરન્તઃ ।
અંશું દુહન્તિ હસ્તિનો ભરિત્રૈર્ મધ્વઃ પુનન્તિ ધારયા પવિત્રૈઃ ॥

હ્રદા ઇવ કુક્ષયઃ સોમધાનાઃ સમ્ ઈ વિવ્યાચ સવના પુરૂણિ ।
અન્ના યદ્ ઇન્દ્રઃ પ્રથમા વ્ય્ આશ વૃત્રં જઘન્વાઁ અવૃણીત સોમમ્ ॥

આ તૂ ભર માકિર્ એતત્ પરિ ષ્ઠાદ્ વિદ્મા હિ ત્વા વસુપતિં વસૂનામ્ ।
ઇન્દ્ર યત્ તે માહિનં દત્રમ્ અસ્ત્ય્ અસ્મભ્યં તદ્ ધર્યશ્વ પ્ર યન્ધિ ॥

અસ્મે પ્ર યન્ધિ મઘવન્ન્ ઋજીષિન્ન્ ઇન્દ્ર રાયો વિશ્વવારસ્ય ભૂરેઃ ।
અસ્મે શતં શરદો જીવસે ધા અસ્મે વીરાઞ્ છશ્વત ઇન્દ્ર શિપ્રિન્ ॥

શુનં હુવેમ મઘવાનમ્ ઇન્દ્રમ્ અસ્મિન્ ભરે નૃતમં વાજસાતૌ ।
શૃણ્વન્તમ્ ઉગ્રમ્ ઊતયે સમત્સુ ઘ્નન્તં વૃત્રાણિ સંજિતં ધનાનામ્ ॥