ઋગ્વેદ · અધ્યાય 3.034

ઇન્દ્રઃ પૂર્ભિદ્ આતિરદ્ દાસમ્ અર્કૈર્ વિદદ્વસુર્ દયમાનો વિ શત્રૂન્ ।
બ્રહ્મજૂતસ્ તન્વા વાવૃધાનો ભૂરિદાત્ર આપૃણદ્ રોદસી ઉભે ॥

મખસ્ય તે તવિષસ્ય પ્ર જૂતિમ્ ઇયર્મિ વાચમ્ અમૃતાય ભૂષન્ ।
ઇન્દ્ર ક્ષિતીનામ્ અસિ માનુષીણાં વિશાં દૈવીનામ્ ઉત પૂર્વયાવા ॥

ઇન્દ્રો વૃત્રમ્ અવૃણોચ્ છર્ધનીતિઃ પ્ર માયિનામ્ અમિનાદ્ વર્પણીતિઃ ।
અહન્ વ્યંસમ્ ઉશધગ્ વનેષ્વ્ આવિર્ ધેના અકૃણોદ્ રામ્યાણામ્ ॥

ઇન્દ્રઃ સ્વર્ષા જનયન્ન્ અહાનિ જિગાયોશિગ્ભિઃ પૃતના અભિષ્ટિઃ ।
પ્રારોચયન્ મનવે કેતુમ્ અહ્નામ્ અવિન્દજ્ જ્યોતિર્ બૃહતે રણાય ॥

ઇન્દ્રસ્ તુજો બર્હણા આ વિવેશ નૃવદ્ દધાનો નર્યા પુરૂણિ ।
અચેતયદ્ ધિય ઇમા જરિત્રે પ્રેમં વર્ણમ્ અતિરચ્ છુક્રમ્ આસામ્ ॥

મહો મહાનિ પનયન્ત્ય્ અસ્યેન્દ્રસ્ય કર્મ સુકૃતા પુરૂણિ ।
વૃજનેન વૃજિનાન્ સમ્ પિપેષ માયાભિર્ દસ્યૂઁર્ અભિભૂત્યોજાઃ ॥

યુધેન્દ્રો મહ્ના વરિવશ્ ચકાર દેવેભ્યઃ સત્પતિશ્ ચર્ષણિપ્રાઃ ।
વિવસ્વતઃ સદને અસ્ય તાનિ વિપ્રા ઉક્થેભિઃ કવયો ગૃણન્તિ ॥

સત્રાસાહં વરેણ્યં સહોદાં સસવાંસં સ્વર્ અપશ્ ચ દેવીઃ ।
સસાન યઃ પૃથિવીં દ્યામ્ ઉતેમામ્ ઇન્દ્રમ્ મદન્ત્ય્ અનુ ધીરણાસઃ ॥

સસાનાત્યાઁ ઉત સૂર્યં સસાનેન્દ્રઃ સસાન પુરુભોજસં ગામ્ ।
હિરણ્યયમ્ ઉત ભોગં સસાન હત્વી દસ્યૂન્ પ્રાર્યં વર્ણમ્ આવત્ ॥

ઇન્દ્ર ઓષધીર્ અસનોદ્ અહાનિ વનસ્પતીઁર્ અસનોદ્ અન્તરિક્ષમ્ ।
બિભેદ વલં નુનુદે વિવાચો ઽથાભવદ્ દમિતાભિક્રતૂનામ્ ॥

શુનં હુવેમ મઘવાનમ્ ઇન્દ્રમ્ અસ્મિન્ ભરે નૃતમં વાજસાતૌ ।
શૃણ્વન્તમ્ ઉગ્રમ્ ઊતયે સમત્સુ ઘ્નન્તં વૃત્રાણિ સંજિતં ધનાનામ્ ॥