ઋગ્વેદ · અધ્યાય 3.033

પ્ર પર્વતાનામ્ ઉશતી ઉપસ્થાદ્ અશ્વે ઇવ વિષિતે હાસમાને ।
ગાવેવ શુભ્રે માતરા રિહાણે વિપાટ્ છુતુદ્રી પયસા જવેતે ॥

ઇન્દ્રેષિતે પ્રસવમ્ ભિક્ષમાણે અચ્છા સમુદ્રં રથ્યેવ યાથઃ ।
સમારાણે ઊર્મિભિઃ પિન્વમાને અન્યા વામ્ અન્યામ્ અપ્ય્ એતિ શુભ્રે ॥

અચ્છા સિન્ધુમ્ માતૃતમામ્ અયાસં વિપાશમ્ ઉર્વીં સુભગામ્ અગન્મ ।
વત્સમ્ ઇવ માતરા સંરિહાણે સમાનં યોનિમ્ અનુ સંચરન્તી ॥

એના વયમ્ પયસા પિન્વમાના અનુ યોનિં દેવકૃતં ચરન્તીઃ ।
ન વર્તવે પ્રસવઃ સર્ગતક્તઃ કિંયુર્ વિપ્રો નદ્યો જોહવીતિ ॥

રમધ્વમ્ મે વચસે સોમ્યાય ઋતાવરીર્ ઉપ મુહૂર્તમ્ એવૈઃ ।
પ્ર સિન્ધુમ્ અચ્છા બૃહતી મનીષાવસ્યુર્ અહ્વે કુશિકસ્ય સૂનુઃ ॥

ઇન્દ્રો અસ્માઁ અરદદ્ વજ્રબાહુર્ અપાહન્ વૃત્રમ્ પરિધિં નદીનામ્ ।
દેવો ઽનયત્ સવિતા સુપાણિસ્ તસ્ય વયમ્ પ્રસવે યામ ઉર્વીઃ ॥

પ્રવાચ્યં શશ્વધા વીર્ય1ં તદ્ ઇન્દ્રસ્ય કર્મ યદ્ અહિં વિવૃશ્ચત્ ।
વિ વજ્રેણ પરિષદો જઘાનાયન્ન્ આપો ઽયનમ્ ઇચ્છમાનાઃ ॥

એતદ્ વચો જરિતર્ માપિ મૃષ્ઠા આ યત્ તે ઘોષાન્ ઉત્તરા યુગાનિ ।
ઉક્થેષુ કારો પ્રતિ નો જુષસ્વ મા નો નિ કઃ પુરુષત્રા નમસ્ તે ॥

ઓ ષુ સ્વસારઃ કારવે શૃણોત યયૌ વો દૂરાદ્ અનસા રથેન ।
નિ ષૂ નમધ્વમ્ ભવતા સુપારા અધોઅક્ષાઃ સિન્ધવઃ સ્રોત્યાભિઃ ॥

આ તે કારો શૃણવામા વચાંસિ યયાથ દૂરાદ્ અનસા રથેન ।
નિ તે નંસૈ પીપ્યાનેવ યોષા મર્યાયેવ કન્યા શશ્વચૈ તે ॥

યદ્ અઙ્ગ ત્વા ભરતાઃ સંતરેયુર્ ગવ્યન્ ગ્રામ ઇષિત ઇન્દ્રજૂતઃ ।
અર્ષાદ્ અહ પ્રસવઃ સર્ગતક્ત આ વો વૃણે સુમતિં યજ્ઞિયાનામ્ ॥

અતારિષુર્ ભરતા ગવ્યવઃ સમ્ અભક્ત વિપ્રઃ સુમતિં નદીનામ્ ।
પ્ર પિન્વધ્વમ્ ઇષયન્તીઃ સુરાધા આ વક્ષણાઃ પૃણધ્વં યાત શીભમ્ ॥

ઉદ્ વ ઊર્મિઃ શમ્યા હન્ત્વ્ આપો યોક્ત્રાણિ મુઞ્ચત ।
માદુષ્કૃતૌ વ્યેનસાઘ્ન્યૌ શૂનમ્ આરતામ્ ॥