ઋગ્વેદ · અધ્યાય 3.031

શાસદ્ વહ્નિર્ દુહિતુર્ નપ્ત્યં ગાદ્ વિદ્વાઁ ઋતસ્ય દીધિતિં સપર્યન્ ।
પિતા યત્ર દુહિતુઃ સેકમ્ ઋઞ્જન્ સં શગ્મ્યેન મનસા દધન્વે ॥

ન જામયે તાન્વો રિક્થમ્ આરૈક્ ચકાર ગર્ભં સનિતુર્ નિધાનમ્ ।
યદી માતરો જનયન્ત વહ્નિમ્ અન્યઃ કર્તા સુકૃતોર્ અન્ય ઋન્ધન્ ॥

અગ્નિર્ જજ્ઞે જુહ્વા3 રેજમાનો મહસ્ પુત્રાઁ અરુષસ્ય પ્રયક્ષે ।
મહાન્ ગર્ભો મહ્ય્ આ જાતમ્ એષામ્ મહી પ્રવૃદ્ ધર્યશ્વસ્ય યજ્ઞૈઃ ॥

અભિ જૈત્રીર્ અસચન્ત સ્પૃધાનમ્ મહિ જ્યોતિસ્ તમસો નિર્ અજાનન્ ।
તં જાનતીઃ પ્રત્ય્ ઉદ્ આયન્ન્ ઉષાસઃ પતિર્ ગવામ્ અભવદ્ એક ઇન્દ્રઃ ॥

વીળૌ સતીર્ અભિ ધીરા અતૃન્દન્ પ્રાચાહિન્વન્ મનસા સપ્ત વિપ્રાઃ ।
વિશ્વામ્ અવિન્દન્ પથ્યામ્ ઋતસ્ય પ્રજાનન્ન્ ઇત્ તા નમસા વિવેશ ॥

વિદદ્ યદી સરમા રુગ્ણમ્ અદ્રેર્ મહિ પાથઃ પૂર્વ્યં સધ્ર્યક્ કઃ ।
અગ્રં નયત્ સુપદ્ય્ અક્ષરાણામ્ અચ્છા રવમ્ પ્રથમા જાનતી ગાત્ ॥

અગચ્છદ્ ઉ વિપ્રતમઃ સખીયન્ન્ અસૂદયત્ સુકૃતે ગર્ભમ્ અદ્રિઃ ।
સસાન મર્યો યુવભિર્ મખસ્યન્ન્ અથાભવદ્ અઙ્ગિરાઃ સદ્યો અર્ચન્ ॥

સતઃ-સતઃ પ્રતિમાનમ્ પુરોભૂર્ વિશ્વા વેદ જનિમા હન્તિ શુષ્ણમ્ ।
પ્ર ણો દિવઃ પદવીર્ ગવ્યુર્ અર્ચન્ સખા સખીઁર્ અમુઞ્ચન્ નિર્ અવદ્યાત્ ॥

નિ ગવ્યતા મનસા સેદુર્ અર્કૈઃ કૃણ્વાનાસો અમૃતત્વાય ગાતુમ્ ।
ઇદં ચિન્ નુ સદનમ્ ભૂર્ય્ એષાં યેન માસાઁ અસિષાસન્ન્ ઋતેન ॥

સમ્પશ્યમાના અમદન્ન્ અભિ સ્વમ્ પયઃ પ્રત્નસ્ય રેતસો દુઘાનાઃ ।
વિ રોદસી અતપદ્ ઘોષ એષાં જાતે નિષ્ઠામ્ અદધુર્ ગોષુ વીરાન્ ॥

સ જાતેભિર્ વૃત્રહા સેદ્ ઉ હવ્યૈર્ ઉદ્ ઉસ્રિયા અસૃજદ્ ઇન્દ્રો અર્કૈઃ ।
ઉરૂચ્ય્ અસ્મૈ ઘૃતવદ્ ભરન્તી મધુ સ્વાદ્મ દુદુહે જેન્યા ગૌઃ ॥

પિત્રે ચિચ્ ચક્રુઃ સદનં સમ્ અસ્મૈ મહિ ત્વિષીમત્ સુકૃતો વિ હિ ખ્યન્ ।
વિષ્કભ્નન્તઃ સ્કમ્ભનેના જનિત્રી આસીના ઊર્ધ્વં રભસં વિ મિન્વન્ ॥

મહી યદિ ધિષણા શિશ્નથે ધાત્ સદ્યોવૃધં વિભ્વ1ં રોદસ્યોઃ ।
ગિરો યસ્મિન્ન્ અનવદ્યાઃ સમીચીર્ વિશ્વા ઇન્દ્રાય તવિષીર્ અનુત્તાઃ ॥

મહ્ય્ આ તે સખ્યં વશ્મિ શક્તીર્ આ વૃત્રઘ્ને નિયુતો યન્તિ પૂર્વીઃ ।
મહિ સ્તોત્રમ્ અવ આગન્મ સૂરેર્ અસ્માકં સુ મઘવન્ બોધિ ગોપાઃ ॥

મહિ ક્ષેત્રમ્ પુરુ શ્ચન્દ્રં વિવિદ્વાન્ આદ્ ઇત્ સખિભ્યશ્ ચરથં સમ્ ઐરત્ ।
ઇન્દ્રો નૃભિર્ અજનદ્ દીદ્યાનઃ સાકં સૂર્યમ્ ઉષસં ગાતુમ્ અગ્નિમ્ ॥

અપશ્ ચિદ્ એષ વિભ્વો3 દમૂનાઃ પ્ર સધ્રીચીર્ અસૃજદ્ વિશ્વશ્ચન્દ્રાઃ ।
મધ્વઃ પુનાનાઃ કવિભિઃ પવિત્રૈર્ દ્યુભિર્ હિન્વન્ત્ય્ અક્તુભિર્ ધનુત્રીઃ ॥

અનુ કૃષ્ણે વસુધિતી જિહાતે ઉભે સૂર્યસ્ય મંહના યજત્રે ।
પરિ યત્ તે મહિમાનં વૃજધ્યૈ સખાય ઇન્દ્ર કામ્યા ઋજિપ્યાઃ ॥

પતિર્ ભવ વૃત્રહન્ સૂનૃતાનાં ગિરાં વિશ્વાયુર્ વૃષભો વયોધાઃ ।
આ નો ગહિ સખ્યેભિઃ શિવેભિર્ મહાન્ મહીભિર્ ઊતિભિઃ સરણ્યન્ ॥

તમ્ અઙ્ગિરસ્વન્ નમસા સપર્યન્ નવ્યં કૃણોમિ સન્યસે પુરાજામ્ ।
દ્રુહો વિ યાહિ બહુલા અદેવીઃ સ્વશ્ ચ નો મઘવન્ સાતયે ધાઃ ॥

મિહઃ પાવકાઃ પ્રતતા અભૂવન્ સ્વસ્તિ નઃ પિપૃહિ પારમ્ આસામ્ ।
ઇન્દ્ર ત્વં રથિરઃ પાહિ નો રિષો મક્ષૂ-મક્ષૂ કૃણુહિ ગોજિતો નઃ ॥

અદેદિષ્ટ વૃત્રહા ગોપતિર્ ગા અન્તઃ કૃષ્ણાઁ અરુષૈર્ ધામભિર્ ગાત્ ।
પ્ર સૂનૃતા દિશમાન ઋતેન દુરશ્ ચ વિશ્વા અવૃણોદ્ અપ સ્વાઃ ॥

શુનં હુવેમ મઘવાનમ્ ઇન્દ્રમ્ અસ્મિન્ ભરે નૃતમં વાજસાતૌ ।
શૃણ્વન્તમ્ ઉગ્રમ્ ઊતયે સમત્સુ ઘ્નન્તં વૃત્રાણિ સંજિતં ધનાનામ્ ॥