ઋગ્વેદ · અધ્યાય 3.028

અગ્ને જુષસ્વ નો હવિઃ પુરોળાશં જાતવેદઃ ।
પ્રાતઃસાવે ધિયાવસો ॥

પુરોળા અગ્ને પચતસ્ તુભ્યં વા ઘા પરિષ્કૃતઃ ।
તં જુષસ્વ યવિષ્ઠ્ય ॥

અગ્ને વીહિ પુરોળાશમ્ આહુતં તિરોઅહ્ન્યમ્ ।
સહસઃ સૂનુર્ અસ્ય્ અધ્વરે હિતઃ ॥

માધ્યંદિને સવને જાતવેદઃ પુરોળાશમ્ ઇહ કવે જુષસ્વ ।
અગ્ને યહ્વસ્ય તવ ભાગધેયં ન પ્ર મિનન્તિ વિદથેષુ ધીરાઃ ॥

અગ્ને તૃતીયે સવને હિ કાનિષઃ પુરોળાશં સહસઃ સૂનવ્ આહુતમ્ ।
અથા દેવેષ્વ્ અધ્વરં વિપન્યયા ધા રત્નવન્તમ્ અમૃતેષુ જાગૃવિમ્ ॥

અગ્ને વૃધાન આહુતિમ્ પુરોળાશં જાતવેદઃ ।
જુષસ્વ તિરોઅહ્ન્યમ્ ॥