ઋગ્વેદ · અધ્યાય 3.013

પ્ર વો દેવાયાગ્નયે બર્હિષ્ઠમ્ અર્ચાસ્મૈ ।
ગમદ્ દેવેભિર્ આ સ નો યજિષ્ઠો બર્હિર્ આ સદત્ ॥

ઋતાવા યસ્ય રોદસી દક્ષં સચન્ત ઊતયઃ ।
હવિષ્મન્તસ્ તમ્ ઈળતે તં સનિષ્યન્તો ઽવસે ॥

સ યન્તા વિપ્ર એષાં સ યજ્ઞાનામ્ અથા હિ ષઃ ।
અગ્નિં તં વો દુવસ્યત દાતા યો વનિતા મઘમ્ ॥

સ નઃ શર્માણિ વીતયે ઽગ્નિર્ યચ્છતુ શંતમા ।
યતો નઃ પ્રુષ્ણવદ્ વસુ દિવિ ક્ષિતિભ્યો અપ્સ્વ્ આ ॥

દીદિવાંસમ્ અપૂર્વ્યં વસ્વીભિર્ અસ્ય ધીતિભિઃ ।
ઋક્વાણો અગ્નિમ્ ઇન્ધતે હોતારં વિશ્પતિં વિશામ્ ॥

ઉત નો બ્રહ્મન્ન્ અવિષ ઉક્થેષુ દેવહૂતમઃ ।
શં નઃ શોચા મરુદ્વૃધો ઽગ્ને સહસ્રસાતમઃ ॥

નૂ નો રાસ્વ સહસ્રવત્ તોકવત્ પુષ્ટિમદ્ વસુ ।
દ્યુમદ્ અગ્ને સુવીર્યં વર્ષિષ્ઠમ્ અનુપક્ષિતમ્ ॥