ઋગ્વેદ · અધ્યાય 3.012

ઇન્દ્રાગ્ની આ ગતં સુતં ગીર્ભિર્ નભો વરેણ્યમ્ ।
અસ્ય પાતં ધિયેષિતા ॥

ઇન્દ્રાગ્ની જરિતુઃ સચા યજ્ઞો જિગાતિ ચેતનઃ ।
અયા પાતમ્ ઇમં સુતમ્ ॥

ઇન્દ્રમ્ અગ્નિં કવિચ્છદા યજ્ઞસ્ય જૂત્યા વૃણે ।
તા સોમસ્યેહ તૃમ્પતામ્ ॥

તોશા વૃત્રહણા હુવે સજિત્વાનાપરાજિતા ।
ઇન્દ્રાગ્ની વાજસાતમા ॥

પ્ર વામ્ અર્ચન્ત્ય્ ઉક્થિનો નીથાવિદો જરિતારઃ ।
ઇન્દ્રાગ્ની ઇષ આ વૃણે ॥

ઇન્દ્રાગ્ની નવતિમ્ પુરો દાસપત્નીર્ અધૂનુતમ્ ।
સાકમ્ એકેન કર્મણા ॥

ઇન્દ્રાગ્ની અપસસ્ પર્ય્ ઉપ પ્ર યન્તિ ધીતયઃ ।
ઋતસ્ય પથ્યા3 અનુ ॥

ઇન્દ્રાગ્ની તવિષાણિ વાં સધસ્થાનિ પ્રયાંસિ ચ ।
યુવોર્ અપ્તૂર્યં હિતમ્ ॥

ઇન્દ્રાગ્ની રોચના દિવઃ પરિ વાજેષુ ભૂષથઃ ।
તદ્ વાં ચેતિ પ્ર વીર્યમ્ ॥