ઋગ્વેદ · અધ્યાય 3.011

અગ્નિર્ હોતા પુરોહિતો ઽધ્વરસ્ય વિચર્ષણિઃ ।
સ વેદ યજ્ઞમ્ આનુષક્ ॥

સ હવ્યવાળ્ અમર્ત્ય ઉશિગ્ દૂતશ્ ચનોહિતઃ ।
અગ્નિર્ ધિયા સમ્ ઋણ્વતિ ॥

અગ્નિર્ ધિયા સ ચેતતિ કેતુર્ યજ્ઞસ્ય પૂર્વ્યઃ ।
અર્થં હ્ય્ અસ્ય તરણિ ॥

અગ્નિં સૂનું સનશ્રુતં સહસો જાતવેદસમ્ ।
વહ્નિં દેવા અકૃણ્વત ॥

અદાભ્યઃ પુરએતા વિશામ્ અગ્નિર્ માનુષીણામ્ ।
તૂર્ણી રથઃ સદા નવઃ ॥

સાહ્વાન્ વિશ્વા અભિયુજઃ ક્રતુર્ દેવાનામ્ અમૃક્તઃ ।
અગ્નિસ્ તુવિશ્રવસ્તમઃ ॥

અભિ પ્રયાંસિ વાહસા દાશ્વાઁ અશ્નોતિ મર્ત્યઃ ।
ક્ષયમ્ પાવકશોચિષઃ ॥

પરિ વિશ્વાનિ સુધિતાગ્નેર્ અશ્યામ મન્મભિઃ ।
વિપ્રાસો જાતવેદસઃ ॥

અગ્ને વિશ્વાનિ વાર્યા વાજેષુ સનિષામહે ।
ત્વે દેવાસ એરિરે ॥