ઋગ્વેદ · અધ્યાય 3.005

પ્રત્ય્ અગ્નિર્ ઉષસશ્ ચેકિતાનો ઽબોધિ વિપ્રઃ પદવીઃ કવીનામ્ ।
પૃથુપાજા દેવયદ્ભિઃ સમિદ્ધો ઽપ દ્વારા તમસો વહ્નિર્ આવઃ ॥

પ્રેદ્ વ્ અગ્નિર્ વાવૃધે સ્તોમેભિર્ ગીર્ભિઃ સ્તોતૄણાં નમસ્ય ઉક્થૈઃ ।
પૂર્વીર્ ઋતસ્ય સંદૃશશ્ ચકાનઃ સં દૂતો અદ્યૌદ્ ઉષસો વિરોકે ॥

અધાય્ય્ અગ્નિર્ માનુષીષુ વિક્ષ્વ્ અ1પાં ગર્ભો મિત્ર ઋતેન સાધન્ ।
આ હર્યતો યજતઃ સાન્વ્ અસ્થાદ્ અભૂદ્ ઉ વિપ્રો હવ્યો મતીનામ્ ॥

મિત્રો અગ્નિર્ ભવતિ યત્ સમિદ્ધો મિત્રો હોતા વરુણો જાતવેદાઃ ।
મિત્રો અધ્વર્યુર્ ઇષિરો દમૂના મિત્રઃ સિન્ધૂનામ્ ઉત પર્વતાનામ્ ॥

પાતિ પ્રિયં રિપો અગ્રમ્ પદં વેઃ પાતિ યહ્વશ્ ચરણં સૂર્યસ્ય ।
પાતિ નાભા સપ્તશીર્ષાણમ્ અગ્નિઃ પાતિ દેવાનામ્ ઉપમાદમ્ ઋષ્વઃ ॥

ઋભુશ્ ચક્ર ઈડ્યં ચારુ નામ વિશ્વાનિ દેવો વયુનાનિ વિદ્વાન્ ।
સસસ્ય ચર્મ ઘૃતવત્ પદં વેસ્ તદ્ ઇદ્ અગ્ની રક્ષત્ય્ અપ્રયુચ્છન્ ॥

આ યોનિમ્ અગ્નિર્ ઘૃતવન્તમ્ અસ્થાત્ પૃથુપ્રગાણમ્ ઉશન્તમ્ ઉશાનઃ ।
દીદ્યાનઃ શુચિર્ ઋષ્વઃ પાવકઃ પુનઃ-પુનર્ માતરા નવ્યસી કઃ ॥

સદ્યો જાત ઓષધીભિર્ વવક્ષે યદી વર્ધન્તિ પ્રસ્વો ઘૃતેન ।
આપ ઇવ પ્રવતા શુમ્ભમાના ઉરુષ્યદ્ અગ્નિઃ પિત્રોર્ ઉપસ્થે ॥

ઉદ્ ઉ ષ્ટુતઃ સમિધા યહ્વો અદ્યૌદ્ વર્ષ્મન્ દિવો અધિ નાભા પૃથિવ્યાઃ ।
મિત્રો અગ્નિર્ ઈડ્યો માતરિશ્વા દૂતો વક્ષદ્ યજથાય દેવાન્ ॥

ઉદ્ અસ્તમ્ભીત્ સમિધા નાકમ્ ઋષ્વો3 ઽગ્નિર્ ભવન્ન્ ઉત્તમો રોચનાનામ્ ।
યદી ભૃગુભ્યઃ પરિ માતરિશ્વા ગુહા સન્તં હવ્યવાહં સમીધે ॥

ઇળામ્ અગ્ને પુરુદંસં સનિં ગોઃ શશ્વત્તમં હવમાનાય સાધ ।
સ્યાન્ નઃ સૂનુસ્ તનયો વિજાવાગ્ને સા તે સુમતિર્ ભૂત્વ્ અસ્મે ॥