ઋગ્વેદ · અધ્યાય 3.004

સમિત્-સમિત્ સુમના બોધ્ય્ અસ્મે શુચા-શુચા સુમતિં રાસિ વસ્વઃ ।
આ દેવ દેવાન્ યજથાય વક્ષિ સખા સખીન્ સુમના યક્ષ્ય્ અગ્ને ॥

યં દેવાસસ્ ત્રિર્ અહન્ન્ આયજન્તે દિવે-દિવે વરુણો મિત્રો અગ્નિઃ ।
સેમં યજ્ઞમ્ મધુમન્તં કૃધી નસ્ તનૂનપાદ્ ઘૃતયોનિં વિધન્તમ્ ॥

પ્ર દીધિતિર્ વિશ્વવારા જિગાતિ હોતારમ્ ઇળઃ પ્રથમં યજધ્યૈ ।
અચ્છા નમોભિર્ વૃષભં વન્દધ્યૈ સ દેવાન્ યક્ષદ્ ઇષિતો યજીયાન્ ॥

ઊર્ધ્વો વાં ગાતુર્ અધ્વરે અકાર્ય્ ઊર્ધ્વા શોચીંષિ પ્રસ્થિતા રજાંસિ ।
દિવો વા નાભા ન્ય્ અસાદિ હોતા સ્તૃણીમહિ દેવવ્યચા વિ બર્હિઃ ॥

સપ્ત હોત્રાણિ મનસા વૃણાના ઇન્વન્તો વિશ્વમ્ પ્રતિ યન્ન્ ઋતેન ।
નૃપેશસો વિદથેષુ પ્ર જાતા અભી3મં યજ્ઞં વિ ચરન્ત પૂર્વીઃ ॥

આ ભન્દમાને ઉષસા ઉપાકે ઉત સ્મયેતે તન્વા3 વિરૂપે ।
યથા નો મિત્રો વરુણો જુજોષદ્ ઇન્દ્રો મરુત્વાઁ ઉત વા મહોભિઃ ॥

દૈવ્યા હોતારા પ્રથમા ન્ય્ ઋઞ્જે સપ્ત પૃક્ષાસઃ સ્વધયા મદન્તિ ।
ઋતં શંસન્ત ઋતમ્ ઇત્ ત આહુર્ અનુ વ્રતં વ્રતપા દીધ્યાનાઃ ॥

આ ભારતી ભારતીભિઃ સજોષા ઇળા દેવૈર્ મનુષ્યેભિર્ અગ્નિઃ ।
સરસ્વતી સારસ્વતેભિર્ અર્વાક્ તિસ્રો દેવીર્ બર્હિર્ એદં સદન્તુ ॥

તન્ નસ્ તુરીપમ્ અધ પોષયિત્નુ દેવ ત્વષ્ટર્ વિ રરાણઃ સ્યસ્વ ।
યતો વીરઃ કર્મણ્યઃ સુદક્ષો યુક્તગ્રાવા જાયતે દેવકામઃ ॥

વનસ્પતે ઽવ સૃજોપ દેવાન્ અગ્નિર્ હવિઃ શમિતા સૂદયાતિ ।
સેદ્ ઉ હોતા સત્યતરો યજાતિ યથા દેવાનાં જનિમાનિ વેદ ॥

આ યાહ્ય્ અગ્ને સમિધાનો અર્વાઙ્ ઇન્દ્રેણ દેવૈઃ સરથં તુરેભિઃ ।
બર્હિર્ ન આસ્તામ્ અદિતિઃ સુપુત્રા સ્વાહા દેવા અમૃતા માદયન્તામ્ ॥