ઋગ્વેદ · અધ્યાય 2.033

આ તે પિતર્ મરુતાં સુમ્નમ્ એતુ મા નઃ સૂર્યસ્ય સંદૃશો યુયોથાઃ ।
અભિ નો વીરો અર્વતિ ક્ષમેત પ્ર જાયેમહિ રુદ્ર પ્રજાભિઃ ॥

ત્વાદત્તેભી રુદ્ર શંતમેભિઃ શતં હિમા અશીય ભેષજેભિઃ ।
વ્ય્ અ1સ્મદ્ દ્વેષો વિતરં વ્ય્ અંહો વ્ય્ અમીવાશ્ ચાતયસ્વા વિષૂચીઃ ॥

શ્રેષ્ઠો જાતસ્ય રુદ્ર શ્રિયાસિ તવસ્તમસ્ તવસાં વજ્રબાહો ।
પર્ષિ ણઃ પારમ્ અંહસઃ સ્વસ્તિ વિશ્વા અભીતી રપસો યુયોધિ ॥

મા ત્વા રુદ્ર ચુક્રુધામા નમોભિર્ મા દુષ્ટુતી વૃષભ મા સહૂતી ।
ઉન્ નો વીરાઁ અર્પય ભેષજેભિર્ ભિષક્તમં ત્વા ભિષજાં શૃણોમિ ॥

હવીમભિર્ હવતે યો હવિર્ભિર્ અવ સ્તોમેભી રુદ્રં દિષીય ।
ઋદૂદરઃ સુહવો મા નો અસ્યૈ બભ્રુઃ સુશિપ્રો રીરધન્ મનાયૈ ॥

ઉન્ મા મમન્દ વૃષભો મરુત્વાન્ ત્વક્ષીયસા વયસા નાધમાનમ્ ।
ઘૃણીવ ચ્છાયામ્ અરપા અશીયા વિવાસેયં રુદ્રસ્ય સુમ્નમ્ ॥

ક્વ1 સ્ય તે રુદ્ર મૃળયાકુર્ હસ્તો યો અસ્તિ ભેષજો જલાષઃ ।
અપભર્તા રપસો દૈવ્યસ્યાભી નુ મા વૃષભ ચક્ષમીથાઃ ॥

પ્ર બભ્રવે વૃષભાય શ્વિતીચે મહો મહીં સુષ્ટુતિમ્ ઈરયામિ ।
નમસ્યા કલ્મલીકિનં નમોભિર્ ગૃણીમસિ ત્વેષં રુદ્રસ્ય નામ ॥

સ્થિરેભિર્ અઙ્ગૈઃ પુરુરૂપ ઉગ્રો બભ્રુઃ શુક્રેભિઃ પિપિશે હિરણ્યૈઃ ।
ઈશાનાદ્ અસ્ય ભુવનસ્ય ભૂરેર્ ન વા ઉ યોષદ્ રુદ્રાદ્ અસુર્યમ્ ॥

અર્હન્ બિભર્ષિ સાયકાનિ ધન્વાર્હન્ નિષ્કં યજતં વિશ્વરૂપમ્ ।
અર્હન્ન્ ઇદં દયસે વિશ્વમ્ અભ્વં ન વા ઓજીયો રુદ્ર ત્વદ્ અસ્તિ ॥

સ્તુહિ શ્રુતં ગર્તસદં યુવાનમ્ મૃગં ન ભીમમ્ ઉપહત્નુમ્ ઉગ્રમ્ ।
મૃળા જરિત્રે રુદ્ર સ્તવાનો ઽન્યં તે અસ્મન્ નિ વપન્તુ સેનાઃ ॥

કુમારશ્ ચિત્ પિતરં વન્દમાનમ્ પ્રતિ નાનામ રુદ્રોપયન્તમ્ ।
ભૂરેર્ દાતારં સત્પતિં ગૃણીષે સ્તુતસ્ ત્વમ્ ભેષજા રાસ્ય્ અસ્મે ॥

યા વો ભેષજા મરુતઃ શુચીનિ યા શંતમા વૃષણો યા મયોભુ ।
યાનિ મનુર્ અવૃણીતા પિતા નસ્ તા શં ચ યોશ્ ચ રુદ્રસ્ય વશ્મિ ॥

પરિ ણો હેતી રુદ્રસ્ય વૃજ્યાઃ પરિ ત્વેષસ્ય દુર્મતિર્ મહી ગાત્ ।
અવ સ્થિરા મઘવદ્ભ્યસ્ તનુષ્વ મીઢ્વસ્ તોકાય તનયાય મૃળ ॥

એવા બભ્રો વૃષભ ચેકિતાન યથા દેવ ન હૃણીષે ન હંસિ ।
હવનશ્રુન્ નો રુદ્રેહ બોધિ બૃહદ્ વદેમ વિદથે સુવીરાઃ ॥