ઋગ્વેદ · અધ્યાય 2.026

ઋજુર્ ઇચ્ છંસો વનવદ્ વનુષ્યતો દેવયન્ન્ ઇદ્ અદેવયન્તમ્ અભ્ય્ અસત્ ।
સુપ્રાવીર્ ઇદ્ વનવત્ પૃત્સુ દુષ્ટરં યજ્વેદ્ અયજ્યોર્ વિ ભજાતિ ભોજનમ્ ॥

યજસ્વ વીર પ્ર વિહિ મનાયતો ભદ્રમ્ મનઃ કૃણુષ્વ વૃત્રતૂર્યે ।
હવિષ્ કૃણુષ્વ સુભગો યથાસસિ બ્રહ્મણસ્ પતેર્ અવ આ વૃણીમહે ॥

સ ઇજ્ જનેન સ વિશા સ જન્મના સ પુત્રૈર્ વાજમ્ ભરતે ધના નૃભિઃ ।
દેવાનાં યઃ પિતરમ્ આવિવાસતિ શ્રદ્ધામના હવિષા બ્રહ્મણસ્ પતિમ્ ॥

યો અસ્મૈ હવ્યૈર્ ઘૃતવદ્ભિર્ અવિધત્ પ્ર તમ્ પ્રાચા નયતિ બ્રહ્મણસ્ પતિઃ ।
ઉરુષ્યતીમ્ અંહસો રક્ષતી રિષો3 ઽંહોશ્ ચિદ્ અસ્મા ઉરુચક્રિર્ અદ્ભુતઃ ॥