ઋગ્વેદ · અધ્યાય 2.018

પ્રાતા રથો નવો યોજિ સસ્નિશ્ ચતુર્યુગસ્ ત્રિકશઃ સપ્તરશ્મિઃ ।
દશારિત્રો મનુષ્યઃ સ્વર્ષાઃ સ ઇષ્ટિભિર્ મતિભી રંહ્યો ભૂત્ ॥

સાસ્મા અરમ્ પ્રથમં સ દ્વિતીયમ્ ઉતો તૃતીયમ્ મનુષઃ સ હોતા ।
અન્યસ્યા ગર્ભમ્ અન્ય ઊ જનન્ત સો અન્યેભિઃ સચતે જેન્યો વૃષા ॥

હરી નુ કં રથ ઇન્દ્રસ્ય યોજમ્ આયૈ સૂક્તેન વચસા નવેન ।
મો ષુ ત્વામ્ અત્ર બહવો હિ વિપ્રા નિ રીરમન્ યજમાનાસો અન્યે ॥

આ દ્વાભ્યાં હરિભ્યામ્ ઇન્દ્ર યાહ્ય્ આ ચતુર્ભિર્ આ ષડ્ભિર્ હૂયમાનઃ ।
આષ્ટાભિર્ દશભિઃ સોમપેયમ્ અયં સુતઃ સુમખ મા મૃધસ્ કઃ ॥

આ વિંશત્યા ત્રિંશતા યાહ્ય્ અર્વાઙ્ આ ચત્વારિંશતા હરિભિર્ યુજાનઃ ।
આ પઞ્ચાશતા સુરથેભિર્ ઇન્દ્રા ષષ્ટ્યા સપ્તત્યા સોમપેયમ્ ॥

આશીત્યા નવત્યા યાહ્ય્ અર્વાઙ્ આ શતેન હરિભિર્ ઉહ્યમાનઃ ।
અયં હિ તે શુનહોત્રેષુ સોમ ઇન્દ્ર ત્વાયા પરિષિક્તો મદાય ॥

મમ બ્રહ્મેન્દ્ર યાહ્ય્ અચ્છા વિશ્વા હરી ધુરિ ધિષ્વા રથસ્ય ।
પુરુત્રા હિ વિહવ્યો બભૂથાસ્મિઞ્ છૂર સવને માદયસ્વ ॥

ન મ ઇન્દ્રેણ સખ્યં વિ યોષદ્ અસ્મભ્યમ્ અસ્ય દક્ષિણા દુહીત ।
ઉપ જ્યેષ્ઠે વરૂથે ગભસ્તૌ પ્રાયે-પ્રાયે જિગીવાંસઃ સ્યામ ॥

નૂનં સા તે પ્રતિ વરં જરિત્રે દુહીયદ્ ઇન્દ્ર દક્ષિણા મઘોની ।
શિક્ષા સ્તોતૃભ્યો માતિ ધગ્ ભગો નો બૃહદ્ વદેમ વિદથે સુવીરાઃ ॥