ઋગ્વેદ · અધ્યાય 2.015

પ્ર ઘા ન્વ્ અસ્ય મહતો મહાનિ સત્યા સત્યસ્ય કરણાનિ વોચમ્ ।
ત્રિકદ્રુકેષ્વ્ અપિબત્ સુતસ્યાસ્ય મદે અહિમ્ ઇન્દ્રો જઘાન ॥

અવંશે દ્યામ્ અસ્તભાયદ્ બૃહન્તમ્ આ રોદસી અપૃણદ્ અન્તરિક્ષમ્ ।
સ ધારયત્ પૃથિવીમ્ પપ્રથચ્ ચ સોમસ્ય તા મદ ઇન્દ્રશ્ ચકાર ॥

સદ્મેવ પ્રાચો વિ મિમાય માનૈર્ વજ્રેણ ખાન્ય્ અતૃણન્ નદીનામ્ ।
વૃથાસૃજત્ પથિભિર્ દીર્ઘયાથૈઃ સોમસ્ય તા મદ ઇન્દ્રશ્ ચકાર ॥

સ પ્રવોળ્હૄન્ પરિગત્યા દભીતેર્ વિશ્વમ્ અધાગ્ આયુધમ્ ઇદ્ધે અગ્નૌ ।
સં ગોભિર્ અશ્વૈર્ અસૃજદ્ રથેભિઃ સોમસ્ય તા મદ ઇન્દ્રશ્ ચકાર ॥

સ ઈમ્ મહીં ધુનિમ્ એતોર્ અરમ્ણાત્ સો અસ્નાતૄન્ અપારયત્ સ્વસ્તિ ।
ત ઉત્સ્નાય રયિમ્ અભિ પ્ર તસ્થુઃ સોમસ્ય તા મદ ઇન્દ્રશ્ ચકાર ॥

સોદઞ્ચં સિન્ધુમ્ અરિણાન્ મહિત્વા વજ્રેણાન ઉષસઃ સમ્ પિપેષ ।
અજવસો જવિનીભિર્ વિવૃશ્ચન્ સોમસ્ય તા મદ ઇન્દ્રશ્ ચકાર ॥

સ વિદ્વાઁ અપગોહં કનીનામ્ આવિર્ ભવન્ન્ ઉદ્ અતિષ્ઠત્ પરાવૃક્ ।
પ્રતિ શ્રોણઃ સ્થાદ્ વ્ય્ અ1નગ્ અચષ્ટ સોમસ્ય તા મદ ઇન્દ્રશ્ ચકાર ॥

ભિનદ્ વલમ્ અઙ્ગિરોભિર્ ગૃણાનો વિ પર્વતસ્ય દૃંહિતાન્ય્ ઐરત્ ।
રિણગ્ રોધાંસિ કૃત્રિમાણ્ય્ એષાં સોમસ્ય તા મદ ઇન્દ્રશ્ ચકાર ॥

સ્વપ્નેનાભ્યુપ્યા ચુમુરિં ધુનિં ચ જઘન્થ દસ્યુમ્ પ્ર દભીતિમ્ આવઃ ।
રમ્ભી ચિદ્ અત્ર વિવિદે હિરણ્યં સોમસ્ય તા મદ ઇન્દ્રશ્ ચકાર ॥

નૂનં સા તે પ્રતિ વરં જરિત્રે દુહીયદ્ ઇન્દ્ર દક્ષિણા મઘોની ।
શિક્ષા સ્તોતૃભ્યો માતિ ધગ્ ભગો નો બૃહદ્ વદેમ વિદથે સુવીરાઃ ॥