ઋગ્વેદ · અધ્યાય 2.008

વાજયન્ન્ ઇવ નૂ રથાન્ યોગાઁ અગ્નેર્ ઉપ સ્તુહિ ।
યશસ્તમસ્ય મીળ્હુષઃ ॥

યઃ સુનીથો દદાશુષે ઽજુર્યો જરયન્ન્ અરિમ્ ।
ચારુપ્રતીક આહુતઃ ॥

ય ઉ શ્રિયા દમેષ્વ્ આ દોષોષસિ પ્રશસ્યતે ।
યસ્ય વ્રતં ન મીયતે ॥

આ યઃ સ્વ1ર્ ણ ભાનુના ચિત્રો વિભાત્ય્ અર્ચિષા ।
અઞ્જાનો અજરૈર્ અભિ ॥

અત્રિમ્ અનુ સ્વરાજ્યમ્ અગ્નિમ્ ઉક્થાનિ વાવૃધુઃ ।
વિશ્વા અધિ શ્રિયો દધે ॥

અગ્નેર્ ઇન્દ્રસ્ય સોમસ્ય દેવાનામ્ ઊતિભિર્ વયમ્ ।
અરિષ્યન્તઃ સચેમહ્ય્ અભિ ષ્યામ પૃતન્યતઃ ॥