ઋગ્વેદ · અધ્યાય 10.165

દેવાઃ કપોત ઇષિતો યદ્ ઇચ્છન્ દૂતો નિરૃત્યા ઇદમ્ આજગામ ।
તસ્મા અર્ચામ કૃણવામ નિષ્કૃતિં શં નો અસ્તુ દ્વિપદે શં ચતુષ્પદે ॥

શિવઃ કપોત ઇષિતો નો અસ્ત્વ્ અનાગા દેવાઃ શકુનો ગૃહેષુ ।
અગ્નિર્ હિ વિપ્રો જુષતાં હવિર્ નઃ પરિ હેતિઃ પક્ષિણી નો વૃણક્તુ ॥

હેતિઃ પક્ષિણી ન દભાત્ય્ અસ્માન્ આષ્ટ્ર્યામ્ પદં કૃણુતે અગ્નિધાને ।
શં નો ગોભ્યશ્ ચ પુરુષેભ્યશ્ ચાસ્તુ મા નો હિંસીદ્ ઇહ દેવાઃ કપોતઃ ॥

યદ્ ઉલૂકો વદતિ મોઘમ્ એતદ્ યત્ કપોતઃ પદમ્ અગ્નૌ કૃણોતિ ।
યસ્ય દૂતઃ પ્રહિત એષ એતત્ તસ્મૈ યમાય નમો અસ્તુ મૃત્યવે ॥

ઋચા કપોતં નુદત પ્રણોદમ્ ઇષમ્ મદન્તઃ પરિ ગાં નયધ્વમ્ ।
સંયોપયન્તો દુરિતાનિ વિશ્વા હિત્વા ન ઊર્જમ્ પ્ર પતાત્ પતિષ્ઠઃ ॥