ઋગ્વેદ · અધ્યાય 10.146

અરણ્યાન્ય્ અરણ્યાન્ય્ અસૌ યા પ્રેવ નશ્યસિ ।
કથા ગ્રામં ન પૃચ્છસિ ન ત્વા ભીર્ ઇવ વિન્દતી3ઁ ॥

વૃષારવાય વદતે યદ્ ઉપાવતિ ચિચ્ચિકઃ ।
આઘાટિભિર્ ઇવ ધાવયન્ન્ અરણ્યાનિર્ મહીયતે ॥

ઉત ગાવ ઇવાદન્ત્ય્ ઉત વેશ્મેવ દૃશ્યતે ।
ઉતો અરણ્યાનિઃ સાયં શકટીર્ ઇવ સર્જતિ ॥

ગામ્ અઙ્ગૈષ આ હ્વયતિ દાર્વ્ અઙ્ગૈષો અપાવધીત્ ।
વસન્ન્ અરણ્યાન્યાં સાયમ્ અક્રુક્ષદ્ ઇતિ મન્યતે ॥

ન વા અરણ્યાનિર્ હન્ત્ય્ અન્યશ્ ચેન્ નાભિગચ્છતિ ।
સ્વાદોઃ ફલસ્ય જગ્ધ્વાય યથાકામં નિ પદ્યતે ॥

આઞ્જનગન્ધિં સુરભિમ્ બહ્વન્નામ્ અકૃષીવલામ્ ।
પ્રાહમ્ મૃગાણામ્ માતરમ્ અરણ્યાનિમ્ અશંસિષમ્ ॥