ઋગ્વેદ · અધ્યાય 10.128

મમાગ્ને વર્ચો વિહવેષ્વ્ અસ્તુ વયં ત્વેન્ધાનાસ્ તન્વમ્ પુષેમ ।
મહ્યં નમન્તામ્ પ્રદિશશ્ ચતસ્રસ્ ત્વયાધ્યક્ષેણ પૃતના જયેમ ॥

મમ દેવા વિહવે સન્તુ સર્વ ઇન્દ્રવન્તો મરુતો વિષ્ણુર્ અગ્નિઃ ।
મમાન્તરિક્ષમ્ ઉરુલોકમ્ અસ્તુ મહ્યં વાતઃ પવતાં કામે અસ્મિન્ ॥

મયિ દેવા દ્રવિણમ્ આ યજન્તામ્ મય્ય્ આશીર્ અસ્તુ મયિ દેવહૂતિઃ ।
દૈવ્યા હોતારો વનુષન્ત પૂર્વે ઽરિષ્ટાઃ સ્યામ તન્વા સુવીરાઃ ॥

મહ્યં યજન્તુ મમ યાનિ હવ્યાકૂતિઃ સત્યા મનસો મે અસ્તુ ।
એનો મા નિ ગાં કતમચ્ ચનાહં વિશ્વે દેવાસો અધિ વોચતા નઃ ॥

દેવીઃ ષળ્ ઉર્વીર્ ઉરુ નઃ કૃણોત વિશ્વે દેવાસ ઇહ વીરયધ્વમ્ ।
મા હાસ્મહિ પ્રજયા મા તનૂભિર્ મા રધામ દ્વિષતે સોમ રાજન્ ॥

અગ્ને મન્યુમ્ પ્રતિનુદન્ પરેષામ્ અદબ્ધો ગોપાઃ પરિ પાહિ નસ્ ત્વમ્ ।
પ્રત્યઞ્ચો યન્તુ નિગુતઃ પુનસ્ તે3 ઽમૈષાં ચિત્તમ્ પ્રબુધાં વિ નેશત્ ॥

ધાતા ધાતૄણામ્ ભુવનસ્ય યસ્ પતિર્ દેવં ત્રાતારમ્ અભિમાતિષાહમ્ ।
ઇમં યજ્ઞમ્ અશ્વિનોભા બૃહસ્પતિર્ દેવાઃ પાન્તુ યજમાનં ન્યર્થાત્ ॥

ઉરુવ્યચા નો મહિષઃ શર્મ યંસદ્ અસ્મિન્ હવે પુરુહૂતઃ પુરુક્ષુઃ ।
સ નઃ પ્રજાયૈ હર્યશ્વ મૃળયેન્દ્ર મા નો રીરિષો મા પરા દાઃ ॥

યે નઃ સપત્ના અપ તે ભવન્ત્વ્ ઇન્દ્રાગ્નિભ્યામ્ અવ બાધામહે તાન્ ।
વસવો રુદ્રા આદિત્યા ઉપરિસ્પૃશમ્ મોગ્રં ચેત્તારમ્ અધિરાજમ્ અક્રન્ ॥