ઋગ્વેદ · અધ્યાય 10.115

ચિત્ર ઇચ્ છિશોસ્ તરુણસ્ય વક્ષથો ન યો માતરાવ્ અપ્યેતિ ધાતવે ।
અનૂધા યદિ જીજનદ્ અધા ચ નુ વવક્ષ સદ્યો મહિ દૂત્ય1ં ચરન્ ॥

અગ્નિર્ હ નામ ધાયિ દન્ન્ અપસ્તમઃ સં યો વના યુવતે ભસ્મના દતા ।
અભિપ્રમુરા જુહ્વા સ્વધ્વર ઇનો ન પ્રોથમાનો યવસે વૃષા ॥

તં વો વિં ન દ્રુષદં દેવમ્ અન્ધસ ઇન્દુમ્ પ્રોથન્તમ્ પ્રવપન્તમ્ અર્ણવમ્ ।
આસા વહ્નિં ન શોચિષા વિરપ્શિનમ્ મહિવ્રતં ન સરજન્તમ્ અધ્વનઃ ॥

વિ યસ્ય તે જ્રયસાનસ્યાજર ધક્ષોર્ ન વાતાઃ પરિ સન્ત્ય્ અચ્યુતાઃ ।
આ રણ્વાસો યુયુધયો ન સત્વનં ત્રિતં નશન્ત પ્ર શિષન્ત ઇષ્ટયે ॥

સ ઇદ્ અગ્નિઃ કણ્વતમઃ કણ્વસખાર્યઃ પરસ્યાન્તરસ્ય તરુષઃ ।
અગ્નિઃ પાતુ ગૃણતો અગ્નિઃ સૂરીન્ અગ્નિર્ દદાતુ તેષામ્ અવો નઃ ॥

વાજિન્તમાય સહ્યસે સુપિત્ર્ય તૃષુ ચ્યવાનો અનુ જાતવેદસે ।
અનુદ્રે ચિદ્ યો ધૃષતા વરં સતે મહિન્તમાય ધન્વનેદ્ અવિષ્યતે ॥

એવાગ્નિર્ મર્તૈઃ સહ સૂરિભિર્ વસુઃ ષ્ટવે સહસઃ સૂનરો નૃભિઃ ।
મિત્રાસો ન યે સુધિતા ઋતાયવો દ્યાવો ન દ્યુમ્નૈર્ અભિ સન્તિ માનુષાન્ ॥

ઊર્જો નપાત્ સહસાવન્ન્ ઇતિ ત્વોપસ્તુતસ્ય વન્દતે વૃષા વાક્ ।
ત્વાં સ્તોષામ ત્વયા સુવીરા દ્રાઘીય આયુઃ પ્રતરં દધાનાઃ ॥

ઇતિ ત્વાગ્ને વૃષ્ટિહવ્યસ્ય પુત્રા ઉપસ્તુતાસ ઋષયો ઽવોચન્ ।
તાઁશ્ ચ પાહિ ગૃણતશ્ ચ સૂરીન્ વષડ્ વષળ્ ઇત્ય્ ઊર્ધ્વાસો અનક્ષન્ નમો નમ ઇત્ય્ ઊર્ધ્વાસો અનક્ષન્ ॥