ઋગ્વેદ · અધ્યાય 10.103

આશુઃ શિશાનો વૃષભો ન ભીમો ઘનાઘનઃ ક્ષોભણશ્ ચર્ષણીનામ્ ।
સંક્રન્દનો ઽનિમિષ એકવીરઃ શતં સેના અજયત્ સાકમ્ ઇન્દ્રઃ ॥

સંક્રન્દનેનાનિમિષેણ જિષ્ણુના યુત્કારેણ દુશ્ચ્યવનેન ધૃષ્ણુના ।
તદ્ ઇન્દ્રેણ જયત તત્ સહધ્વં યુધો નર ઇષુહસ્તેન વૃષ્ણા ॥

સ ઇષુહસ્તૈઃ સ નિષઙ્ગિભિર્ વશી સંસ્રષ્ટા સ યુધ ઇન્દ્રો ગણેન ।
સંસૃષ્ટજિત્ સોમપા બાહુશર્ધ્ય્ ઉ1ગ્રધન્વા પ્રતિહિતાભિર્ અસ્તા ॥

બૃહસ્પતે પરિ દીયા રથેન રક્ષોહામિત્રાઁ અપબાધમાનઃ ।
પ્રભઞ્જન્ સેનાઃ પ્રમૃણો યુધા જયન્ન્ અસ્માકમ્ એધ્ય્ અવિતા રથાનામ્ ॥

બલવિજ્ઞાયઃ સ્થવિરઃ પ્રવીરઃ સહસ્વાન્ વાજી સહમાન ઉગ્રઃ ।
અભિવીરો અભિસત્વા સહોજા જૈત્રમ્ ઇન્દ્ર રથમ્ આ તિષ્ઠ ગોવિત્ ॥

ગોત્રભિદં ગોવિદં વજ્રબાહું જયન્તમ્ અજ્મ પ્રમૃણન્તમ્ ઓજસા ।
ઇમં સજાતા અનુ વીરયધ્વમ્ ઇન્દ્રં સખાયો અનુ સં રભધ્વમ્ ॥

અભિ ગોત્રાણિ સહસા ગાહમાનો ઽદયો વીરઃ શતમન્યુર્ ઇન્દ્રઃ ।
દુશ્ચ્યવનઃ પૃતનાષાળ્ અયુધ્યો3 ઽસ્માકં સેના અવતુ પ્ર યુત્સુ ॥

ઇન્દ્ર આસાં નેતા બૃહસ્પતિર્ દક્ષિણા યજ્ઞઃ પુર એતુ સોમઃ ।
દેવસેનાનામ્ અભિભઞ્જતીનાં જયન્તીનામ્ મરુતો યન્ત્વ્ અગ્રમ્ ॥

ઇન્દ્રસ્ય વૃષ્ણો વરુણસ્ય રાજ્ઞ આદિત્યાનામ્ મરુતાં શર્ધ ઉગ્રમ્ ।
મહામનસામ્ ભુવનચ્યવાનાં ઘોષો દેવાનાં જયતામ્ ઉદ્ અસ્થાત્ ॥

ઉદ્ ધર્ષય મઘવન્ન્ આયુધાન્ય્ ઉત્ સત્વનામ્ મામકાનામ્ મનાંસિ ।
ઉદ્ વૃત્રહન્ વાજિનાં વાજિનાન્ય્ ઉદ્ રથાનાં જયતાં યન્તુ ઘોષાઃ ॥

અસ્માકમ્ ઇન્દ્રઃ સમૃતેષુ ધ્વજેષ્વ્ અસ્માકં યા ઇષવસ્ તા જયન્તુ ।
અસ્માકં વીરા ઉત્તરે ભવન્ત્વ્ અસ્માઁ ઉ દેવા અવતા હવેષુ ॥

અમીષાં ચિત્તમ્ પ્રતિલોભયન્તી ગૃહાણાઙ્ગાન્ય્ અપ્વે પરેહિ ।
અભિ પ્રેહિ નિર્ દહ હૃત્સુ શોકૈર્ અન્ધેનામિત્રાસ્ તમસા સચન્તામ્ ॥

પ્રેતા જયતા નર ઇન્દ્રો વઃ શર્મ યચ્છતુ ।
ઉગ્રા વઃ સન્તુ બાહવો ઽનાધૃષ્યા યથાસથ ॥